Баяғыда бір кемпір болыпты. Ол жасаулы үйде жалғыз тұрады екен. Ұрылар жалғыз кемпірдің жиһазына қызығып күнде аңдып келіп, тыныштық бермепті.
Бір күні ымырт жабылса, қараңғы үйде кемпір қаннен-қаперсіз тегенедегі көжесін сапырып ішіп отырады. Осы кезде сырттан тасыр-тұсыр дыбыс білінеді. Жабықтан сығаласа ұрылар үйді қоршап алыпты. Санаса сегіз екен.
Сонда кемпір дауыстап келініне айтқан болып, былай дейді:
— Сапырып-сапырып Сабырбайға бер,
Өзің ішіп, маған бер.
Төрдегі төртеуге,
Есіктегі екеуге де бер...
Сөйтіп кемпір ұрыларға жалғыз еместігін, үйде тоғыз жан бар екенін білдіреді. Бірақ тас жүрек ұрылар одан да сескене қоймапты.
Сонда кемпір қаттырақ дауыстап:
— Сиыр келді матайық,
Ұйқы келді жатайық.
Ұрылар сегіз, біз тоғыз
Ал, ұрыларды атайық!.. —
деп легенді қаңғырлатқанда, ұрылар қаша жөнеліпті.
20.03.2024 14:17
13.03.2024 22:14
29.02.2024 16:27
27.02.2024 17:21
09.02.2024 12:34
18.03.2024
18.03.2024
06.03.2024
06.03.2024
06.03.2024
06.03.2024
04.03.2024
27.02.2024
25.02.2024
Қателік орын алды
SYSTEM INFO
Нурка
Один дома деген кинодағыдай екен.тапқырлық.