Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Зеректік

Үш жолаушы келе жатса, алдынан бір адам қарсы шығып:

— Беймезгіл жүрген түйе көздеріңе түспеді ме? – деп сұрады.

Жолаушының біреуі:

— Түйеңнің оң көзі соқыр ма еді? – дейді.

Жоқшы:

— Иә,– деп басын изейді. Екінші жолаушы:

— Түйеңнің оң жақ артқы аяғы ақсақ па еді? – деп сұрайды.

— Дұрыс! Сол жақ артқы аяғының сылтығы бар еді,– дейді. Сонан соң, үшінші жолаушы:

— Түйеңнің құйрығы шолақ па, еді? – деп сұрайды. Жоқшы:

— Иә,  құйрығы шолақ, – деп, асығып жауап береді де: – ол түйені қайдан көрдіңіздер? – деп сұрай бастайды. Жолаушылар:

— Көргеніміз жоқ, – дейді.

— Көрмесеңдер, түйемнің белгісін қайдан білдіңдер? Түйемді сендер ұрладыңдар! – деп жоқшы жабыса кетеді. Жолаушылар:

— Ау, жаным, денің сау ма? Түйеңді ұрламақ түгіл көргеніміз де жоқ, – дейді.

Жоқшы бұл жауапқа қанағаттанбайды. Төртеуі бір биге келіп, жүгінеді. Би сұрастыра келе:

— Ұрламасаңдар, көрмесеңдер, ол түйенің бейне-белгісін, көрген кісідей анықтап, байқап, қайдан білдіңдер? – дейді. Жолаушылар:

— Біз ұры емеспіз, мал баққан, малмен көзімізді ашқан шаруаның балаларымыз, сондықтан білдік. Біз тоғышар емеспіз, – деп, жауап береді.

— Қалай білдіңдер? – деп, би қайта сұрайды.

Жолаушылар:

— «Түйенің оң көзі соқыр ма еді?» дегеніміз: түйе бара жатып, ылғи жолдың сол жағындағы шөпті жепті, оң жақтағы шөпті жемепті. Аяғының ақсағын  білгеніміз: тұрған жерінде, түйе артқы сол аяғын  көтеріп  тұрыпты. Түйенің құйрығы шолақ екенін білгеніміз: құмалақ тастағанда, алысқа жіберіпті. Шолақ түйенің құмалағы алысқа түседі, құйрықты түйе құмалағын алысқа тастай алмайды, – депті.


Әлеуметтік желілерде бөлісіңіз:

Пікірлер (6)

Жанна Болегенова

Осы ертегидеги 3жолаушы га калай эссе жазуга болады?

Сандуғаш

Рахмет!!!

Әлия

Жоқшыға қалай эссе жазамыз?

Әлия

Тез жазып жіберіңіздерші

мадина

күшті маган унады

Пікір қалдырыңыз

Серіктестер

Жүктелуде...