Ұйқы безінің қабынуы неден болады?

Ұйқы безі адам организмінде, әсіресе ас қорытуда, маңызды рөл атқарады. Сонда ұйқы безінің қабынуы нендей дерт?

Ұйқы безін анатомиялық құрылымына қарап басы, орта денесі және құйрығы деп үшке бөлеміз. Без жасушалары өндіретін фермент түтік жолымен ұлтабарға құйылады. Сөйтіп, ас қорыту үдерісіне белсене қатысады. Без ісінгенде немесе жараланып, ішіне қан құйылғанда оның кейбір жерлері жидіп өле бастағанда (некроз) ұйқы безі қабынып, қатты ауырады. Ауру безді тұтастай немесе оның кейбір жерлерін ғана (басын, денесін, құйрығын) қамтуы мүмкін.

Жіті панкреатитті көбінесе микробтар қоздырады, бірақ ауру кейде онсыз да басталады. Қабыну күші және аурудың барысы сол қоздырғыш тетігіне байланысты.Ұйқы безінің қабынуы әрқашан шыдатпай, қатты ауырып басталады. Ауыру іштің жоғарғы (ұйқы безінің тұсы) бөлігінде болады. Қатты ауырғандығы сонша, кейде адам дөңбекшіп, есінен де танады. Өңі қашып, қол-аяқтары көгере бастайды. Артериялық қан қысымы төмендейді. Тамыр соғуы нашарлайды. Ауырғаны басылмай, адамның жотасына таралады. Арқасын белбеудей орайды. Ұйқы безі қабынған адамның ұстамасы келгенде құса бастайды. Рас, дене ыстығы қалыптан аспауы мүмкін, бірақ адамның жалпы халі нашарлайды. Кейде жата да алмай, тек қисайып қана отырады. Ұйқы безінің қабынуына өт жолының қабынуы қосылса, адамның денесі сарғаюы мүмкін. Бірқатар аурулардың тыныс алуы бұзылады, кейбіреулердің ішектері қызметін дұрыс атқара алмайды, үлкен дәреті жүрмей қалады. Сондықтан, осындай халге ұшыраған адамды кешіктірмей ауруханаға жеткізген немесе жедел жәрдемді шақырған жөн. Ауру ұстамасы ұйқы безі ісінгеннен пайда болса, онда оны дәрі-дәрмекпен емдеуге болады. Ауырған жерге мұз басып, екі бүйірден егу (блокада) жасаған пайдалы. Мұндайда емдәм сақтап, адамға ашығу да керек, қан тамырына новокаин, атропин енгізген тиімді. Ал без жидіп, өлеттенсе, яғни іріңдесе, онда сырқат отаға зәру деген сөз.

Д.С. Байырханова, терапевт-дәрігер


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікірлер (9)

сыдыкбекова арайлым

Менин уйкы безим аурады канша даригерге барсам да болмады еми али аурады маган жазып берген дарилери комек бермеди панрин,омез,креон деген дари дармек берди одан тук комек болмады,калай емдесем болады уйкы безин

Анар

Жақсы сапалы дәрігерге барған дұрыс болар.

Жасырын

Ламифарэн.өнімін қолданыныз, өте жаксы көмектеседі.

Хасанова гулнафис

Мен өтімді отамен алдырттым диета сақтамағандықтан ұйқы безім қабынған .Астрахан қаласына қаралдым" Галидор " деген таблетка шағын шыныда соны іштім қазір ауырмайды сосын АСД-2 қатты көмектесті .Ауырмаңыздар

Айгуль

Менинде уйкы безим аурады, калай емдеу керек?

Назерке

Алматыда уйкы безди емдейтин биликти даригер барма? Билсениздер жазыныздаршы....

Азамат

Хасанова гулнафис сизбен калай хабарлассак болады

Азамат

Шымкентте биликти даригер барма уйкы безди емдейтин

Азамат

Астанада кабынган уйкы безин емдейтин биликти даригер барма хабарласыныздар

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)