http://a-brands.kz/

Жемістердегі жапсырмалардан нені біле аламыз?

Жемістерге жапсырылған кішігірім жапсырмаларды байқаған боларсыз? Онда ұсынушылардың логотипімен қатар, бірнеше саннан тұратын PLU-код (Price-Look Up) көрсетілген. Белгілі болғандай, өндірушілердің жемісті таңбалағандағы мақсаты – өздерін таныстыру ғана емес, тұтынушыларға маңызды ақпарат беру.

Жапсырмадағы сандар нені білдіреді? Онда қандай ақпарат жасырылыған? Бұл сұрақтардың жауабын bilim-all.kz береді.

3 немесе 4 сандарынан басталатын 4 таңбалы код

Егер жапсырмада тек 4 сан көрсетілсе, ол жеміс не көкөністі өсіргенде агротехнологиялар барынша қолданылған. Олардың қатарында тыңайтқыштар мен пестицидтер де бар.

8 санынан басталатын 5 таңбалы код

Мұндай жемістерді өсіргенде гендік инженерия технологиялары қолданылады. Яғни ол – қаншама дау тудырған гендік модификацияланған өнімдер. Жүргізілген зерттеу жұмыстарының барысында көбінесе қауын, банан, папайя сынды жемістер гендік модификациялауға ұшырайтыны анықталған.

9 санынан басталатын 5 таңбалы код

Егер 9 санынан басталатын 5 таңбалы кодты байқасаңыз, ол жемістің фермерлік әдіспен өсірілгендігін аңғартады. Яғни оларды өсіруде ешқандай химиялық тыңайтқыштар қолданылмайды. Мұндай өнім табиғи болып табылады.

Егер жемісте PLU-код болмаса

Шыны керек, көбіміз ешқандай жапсырмасыз жемісті алуға тырысамыз. Біздің ойымызша, ол – қауіпсіз. Алайда бұл ретте жапсырмалы жемісті таңдағаныңыз жөн. Себебі шет елдерден әкелінген жемістерде міндетті түрде қағаз жапсырма болуы тиіс. Ал болмаған жағдайда, жемістер жапсырмадан «тазаланған» болуы мүмкін.

 


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікірлер (0)

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)