Кіру Тіркелу
Өлең, жыр, ақындар

Мира Сембайқызы

Жолдар, жолдар

Адам жүрген, сан із бар,
Төрт түлікке жайлы-ау жол.
Кең көсіліп, көп жүрген,
Мұның аты айдау жол.

***

Тарам-тарам жолменен,
Барғың келсе үш белге.
Бағдарыңды дұрыс тап,
Айырық жолға түскенде.

***

Шөп тиелген көп арба,
Әне, кетіп барады,
Дөңгелекпен тапталған,
Арба жолы қалады.

***

Аңғар, аңғар аңғарлар,
Аңғарға да бір жол бар.
Аспа жолмен жүре ғой,
Кездессе егер сан жолдар.

***

Тау жотасы, қыраттарда,
Қиын, бірақ жақын жол
Асу жолдан асу үшін,
Жүрек жұтқан батыл бол!

***

Көк жүзінде алақай,
Ұшақ ұшып барады!
Артынан оның көрінбей,
Әуе жолы қалады.

***

Сайрап жатқан кең жолда,
Көңілдерге жел бітер
Даңғыл жолмен зулайды.
Алуан түрлі көліктер.

***

Қыр үстінде  жол жатыр,
Жалғыз адам жүретін.
Жал жол дейді  үлкендер
Жол атауын білетін.

***

Жол сырын да ұғатын
Біз ұғымтал баламыз.
Атау беріп аң жолына.
Жым жол деген бабамыз.

***

Күзер жол мен күрең жол,
Кең даңғылдың атауы.
Түсіне алсаң егер де,
Әр жолда сыр жатады.

***

Бастау жол бар негізгі,
Сапар шексең жүресің.
Күре жол деп аталар,
Енді атауын білесің.

***

Сапарлаған адамдар,
Алыс жолдан қашар ма?
Сар жол деген бабамыз,
Қашық жолды қашан да.

***

Зулап, зырлап пойыздар,
Адам тасып, жүк тасып.
Темір жолмен барады,
Белді басып, қыр асып.

***

Бармақ болсаң ауылға,
Ең жақындау жолменен.
Төте жолмен тура тарт,
Асып ана белдерден.

Балапаным, балдырған,
Күтіп әне тұр сені,
Талай жолдар әлі алда.
Сапар шексең, алтыным
Жолың болсын әмәнда!

жолдар жол

Пікірлер (2)

Гулзира

Мира сызбен калай сойлесуге болады

Mira_Sembay

Сәлеметсіз бе. mira.i.s.84@mail.ru

Пікір қалдырыңыз


Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер