Оғаш әдет-ғұрыптар

Жер бетінің түпкір-түкпірінде бір-бірінен ерекшеленетін сан-түрлі әдет-ғұрыптар бар. Бұл әдет-ғұрыптардың кейбірлері күлкілі, кейбірлері қызық, ал кейбірлері жаға ұстатардай оғаш болып келеді.

Бұлардың біршамасы төмендегідей:

● Исландия: Астанасы Рейкьявикте 1924 жылдан ит бағуға тыйым салынған, 2006 жылдан бұл тыйым жартылай алынған.

● Моритания: Бұл өлкеде семіз әйелдер әдемі саналады және құрметтеледі. Тұрмыс құру шағына жеткен бойжеткеннің салмағы ең аз дегенде 60 кг, ең көбі 100 кг болуға мәжбүр.    

● Солтүстік Корея: Еркектердің 27, ал әйелдердің 25 жастан бұрын үйленулеріне тыйым салынады. Мұның себебі отан алдындағы әскери міндеттерін орындауға мәжбүр болуы.

● Солтүстік полюс: Эскимолар қартайған шағында іске жарамсыз екендіктерін ойлап жақындарынан өзін өлтіруін сұрайды. Бұл өзіне қол жұмсаудың бір түрі болып табылады. Күні келгенде қартайған отағасы жақындарының көмегімен тірідей жерге көміледі.

● Бразилия: Амазон аймағында өмір сүретін «SatereMawe» тайпасы өкілдерінің ұл балалары үшін ауыр азапқа пара-пар әдет-ғұрыптары бар. Ұл бала қолына тоқылған қолғап киіп, ғұжынаған оқ құмырсқаларының ішіне қолын салып 10 минут тұруы қажет.

● Танзания және Кения: Танзания және Кенияда өмір сүретін «Масаи» тайпасының өкілдері бір-біріне түкіру арқылы сәлемдеседі.

● Үндістан: Асқа келген қонақ тамақтан кейін кекірмесе, тамақты ұнатпаған болып қабылданады.

● Тайланд: Тек қана патша отбасына тән адамдар білетін өзгеше тіл қолданады — «Рачасап». Мұның себебі өздерін басқа адамдар түсінбеуі үшін екен.


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікірлер (1)

Алуа

Бізде де оғаш əдеттер бар ғой, мысалы сəлем салу дегендей, басқа елге оғаш тіпті жабайылық болып көрінер.

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)