Алматыда 1-9 сынып оқушылары үшін сабақтар тоқтатылды

Алматыда ұзақ уақыттан бері алғаш рет 1-9 сыныптардың оқушылары үшін сабақтар тоқтатылады, деп қалалық әкімдіктің баспасөз қызметі хабарлайды.

Алматы қаласының Білім басқармасының хабарлауынша, 26 қаңтар күні Алматы мектептерінде 1-9 сынып оқушылары арасында сабақтар тоқтатылады.

«2018 жылдың 26 қаңтарында ауа температурасының 25 градустан төмен болуы салдарынан Алматы қаласының мектептерінің 1-9 сыныптарында сабақтар тоқтатылады», делінген Білім басқармасының хабарламасында.

Айта кетейік, бүгін 25 қаңтар күні Алматының бірқатар мектептерінде бастауыш сыныптардың сабақтары тоқтатылған болатын. Олар: Алатау ауданы «Заря-Восток» ықшам ауданындағы №150 мектебі, Бостандық ауданы Нұрлытау ықшам ауданындағы №190-шы және «Қазақфильм» ықшам ауданындағы №88, №70 мектептері. Сонымен қатар, Білім басқармасының шешімімен Наурызбай ауданы Қарағайлы ықшам ауданындағы №192 мектеп пен Медеу ауданы Алатау ауылындағы №7 мектепте бастауыш сыныптары мектепке бармады.

Ләззәт Жылқыбаеваның айтуынша, бұл мектептер Алматының тауға жақын ықшам аудандарында орналасқан. Кеше Алматы қаласы бойынша ТЖД баспасөз қызметінің жетекшісі Сандуғаш Баймухамбетова -25 градус аязға екпінді жел қосылғанда Алматы мектептеріндегі бастауыш сыныптарда сабақ тоқтатылатынын ескерткен болатын.


Әлеуметтік желілерде бөлісіңіз:


Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Басқа да жазбалар

Пікірлер (2)

Ақжайна Ескулова

Мм уф Шүкір бізде ондай емес ,мен өзім сабақ оқығанды жақсы көремін

Пікір қалдырыңыз


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)