Kazakhstan is my motherland

Солтүстік Қазақстан облысы

Ақжар ауданы

Май орта мектебі

Ағылшын тілі пәнінің мұғалімі

Досжанова Салтанат Кожахметовна

10 сынып

Сабақта қолданылған әдістер: синквейн, деңгейлік тапсырма, бинго, домино. Әдіс-тәcілдер түрін сыныптағы оқушылар санына қарай және оқушылардың білім деңгейіне қарай түрлендіруге болады. Сабақ «Жәрмеңке» атты тренинг арқылы басталып, ынтымақтастық атмосферасы құрылады. Оқушыларға берілетін қасиеттер санын оқушы санына сәйкес жасауға және қасиеттерді ағылшы тілінде беруге болады. Бұл жағдайда оқушылардың тілін де дамытып, ынтымақтастық атмосферасын да қалыптастыруға болады. Берілген қасиеттер ішінен оқушылар өзіне қажет дегенін таңдап алып, қалғанын сыныптастарына таратады. Әр оқушы өзінде жиналған қасиеттерге қарап, айтып өтуіне болады. Барлық оқушыларға оқу міндет емес. Соңында мұғалім оқушыларға өз тілегін білдіріп сабақ басталады.

Ағылшын сабақтарындағы міндетті кезеңдердің бірі фонетикалық жаттығу. Оныншы сынып оқушылары болғандықтан таңдап алынған жаңылтпаш түрі күрделі. Оқушылар жаңылтпашты әрі дұрыс, әрі жылдам оқуы тиіс. Оқушылардың «Қазақстан менің отаным» тақырыбы бойынша бар білімін тексеру үшін Бинго әдісін қолдандым. Берілген үлестірмелі қағазбен жұмыс лоторея билетін толтыру ережесі сияқты жүргізіледі. Оқушылардың арасында кім сұрақтарға жылдам әрі дұрыс жауап берсе, сол Бинго деп айтуы тиіс. Оқушылардың білімі тексерілген соң сабақтың жаңа лексикасымен танысып, мәтінмен жұмыс жұргізіледі. Мәтінді екі топқа бөліп беруді жөн көрмеген себебім, оның тұтас мағынасының болмауында. Балалар санының аздығына байланысты оқушылар мәтінді сынып ішінде оқып, аударып шығады. Сынып оқушылары көп болған жағдайды мәтінді екі топқа да беріп, жұмыс жүргізуге болады. Топ оқушылар бір бірін толықтырып аударма жасау да тиімді. Келесі тапсырмалар оқушылардың мәтінді қаншалықты меңгергендігін көрсету үшін жасалған. Топ оқушыларының бірі сұрақтарға жауап береді, екіншісі тұжырымдар арасындағы бұрысын көрсетеді. Оқушылардың басаққа деген қызығушылығын жоғалтпау үшін Домино әдісін қолдандым. Ортада жауаптар жазылған карточкалар бар. Оқушылар кезекпен жабық күйдегі сұрақтарды таңдап оқиды. Кім сұрақ жауабын жылдам тапса, сол сұрақ жауабын жабуы тиіс. Тапсырма екі топта жүргізілгендіктен сұрақтарды сыртқы бетінен нөмірлеп алу жұмысты жеңілдетеді. Сабақ Деңгейлік тапсырмаларды орындаумен жалғасады. Сынып оқушыларына тапсырманы таңдау мүмкіндігін беруге болады. Немесе өз тарапыңыздан тапсырманы бөліп беріңіз. Оқу үлгерімі жоғары оқушылар өз досына туған жері туралы хат жазады. Қалған оқушылар сөйлемдерді мағынасына сәйкес жалғастырып жазады. Сабақ қорытындысын синквейн құрастыру арқылы жасалады. Сабақ тақырыбы бойынша бес жол өлең құрастырады. Оқушыларға стикерлер таратылып, сабақ бойынша өз ойларын жазу ұсынылады. Жазылған стикерлерді көрсетілген сурет аймағына апарып іледі. Сабақта бірін- бірі, өзін-өзі бағалау түрі жүргізіледі. Оқушылар таратылған бағалау парағына өзіне және сыныптастарына баға қояды, барлық қойыған бағалар есептеліп қорытындысы шығарылады. Бағалаудың бұл формасын сыныптағы оқушылар әділ баға қоя алады деген сенімде болсаңыз тиімді деп есептеймін. Басқа да бағалау формаларын қолдануға болады.

Сабақ бойынша мұғалім мен оқушының іс әрекеті