Логикалық есептерді шығару авторлық курс бағдарламасы 5-сынып

Ақмола облысы, Бурабай ауданы
Щучинск қаласы
№7 мектеп-лицейінің
математика пәні мұғалімі
Кысабекова Гулназ Бегежановна

Түсінік хат

Курс бағдарламасы Қазақстан Республикасының Білім және ғылым министрінің 2013 жылғы 17 сәуірдегі №375 «Жалпы білім беру ұйымдарында (бастауыш, негізгі орта, жалпы орта білім беру) типтік қызмет ережелерін бекіту туралы» бұйрығының негізінде құрылды.

Курс бағдарламасы орта мектеп бағдарламасына сай 5сынып оқушыларының жас ерекшеліктерін ескере отырып құрастырылды. Бағдарлама аптасына 2 рет, жыл бойына 68 сағатқа негізделген.

Қазір ғылым мен техниканың қарыштап дамыған заманында  математика ең қажетті  пәнге айналды.Математика  - ғылымдар атасы. Өйткені математикасыз  ешбір пәнді  игеру мүмкін  емес. Математиканы  әрбір  азамат  жақсы  білуге  тиіс. Бұл - өмір  талабы. Математика  адамның  күш – жігерін  шыңдап, табандылыққа  тәрбиелейді.  Математиканы  жақсы  игерген  адам  болашақта  барлық  істе  жеңіс  биігінен  көріне  алады.

Оқушылардың тиянақты  білім алуын мақсат ете отырып, білімдерін толықтыру, жаңа білім алу тәсілдерімен жанжақты құралдандыру, алған білімдерін теориялық және практикалық мәселелерді шешуге қолдана білу, ақыл-ой белсенділігін дамыту. Оқушыларды математикалық-логикалық бағыттағы есептерді шешуге үйрету, ғылыми көзқарасын мен белсенділігін , өз бетінше білім алу дағдысын қалыптастыру, матема -тикалық білім деңгейін арттыру.

Курстың мақсаты:

Оқушылардың ауызша ойлау қабілетін арттырып, тез есептеу жолдарын үйрету және логикалық қабілетін арттыру мақсатында мазмұнды есептерді шешу дағдыларын қалыптастыру және ойындар ойнау арқылы пәнге қызығушылығын арттыру.

Міндеттері:

• оқушыларға тез есептеу әдістерін үйрету
• ойын есептерін шешу жолдарын меңгерту
• ақыл – ойын және ерік сезім белсенділігін арттыру.
• математикалық сөйлеу машығын қалыптастыру
• қиялдарын ұштау, шығармашылық зерде үрдістерін жоғарлату
• оқушының тұлға ретінде қалыптастыруына әсер ету.

Күтілетін нәтиже:

• ауызша көбейту және бөлу тәсілдерін біледі;
• логикалық есептерді шапшаң шешуге дағдыланады;
• сандардың бөлінгіштік белгілерін біледі;
• мазмұнды есептерді шеше алады;
• оқушылар өз бетінше ізденеді, шығармашылықпен  жұмыс істеуге үйренеді.

5 сынып

аптасына 2 сағат, барлығы 68 сағат

Қолданылатын әдебиеттер тізімі.

1. Математика 5 сынып Т.А.Алдамұратова, Е.С.Байшоланов
2. З.Жұмағұлова, С.Төлеубаева, «Алматы», Мектеп,2008 жыл. Дидактикалық материалдар.
3. Т.Нұрғалиев, Қызықты математика. 5-6 сынып оқушыларына арналған логикалық есептер жинағы. Алматы: Алматыкітап
баспасы: 2015 жыл
4. Т.Алдамұратова,О.Кособокова, Р.Базаканова, К.Мулікбаева , Математика. Дидактикалық материалдар. 5 сынып. – Алматы: Атамұра, 2015 жыл
5. «Математика және физика», ғылыми-әдістемелік журнал.
6. «Математикалық мозаика».
7. Нурк «Математикадан факультативтік курс»
8. Интернетпен жұмыс