Көңілді шарлар

Сарысу ауданы, Жаңатас қаласы  
«Айгүл» балабақшасы
тәрбиеші: Танирбергенова Асия Абдураймовна

Тақырыбы: «Көңілді шарлар»

Мақсаты: Балалардың музыкаға қызығушылығын арттыру, оны тыңдау, ән салу, әуен арқылы билеу және ойын арқылы іс-қимылдарын арттыру.

Ойын барысы:

Тәрбиеші: Саламатсыңдарма балалар, көңілді шарлар безендірілген әсем алаңға қош келдіңіздер! Балалар қолдарындағы шарларын қандай әдемі. Бүгін біз осы шарларға арнап «Көңілді шарлар» атты мерекемізді бастайық.

Көңілді би билейміз.

Би: Әуе шарлар

Тәрбиеші: (Қоян қонақта) Балалар қарандаршы қоян келе жатыр. Көңіл күйі жоқ сияқты.

- Қоян сен неге көңілсізсін?

Қоян: Түрлі түсті шарларымды жоғалтып алдым... Енді не істеймін?

Тәрбиеші: Қояным жыламашы бәріміз бірге шарларынды іздейміз. Балалар шарды іздеп табайық. Балалар қарандаршы шарлар мұнда ұшып кепті.

Қоян: Менің шарларым! - деп қуанды.

Тәрбиеші: Түрлі-түсті шарларын қандай әдемі. Қызыл, сары, жасыл, көк түсті шарлар. Олай болса осы шарлармен ойын ойнаймыз. Қоян шарларынды бересіңбе бізде бірге ойнаймыз.

Ойын: «Шарларды маған бер»

Тәрбиеші: Шарларды бір-біріне береді. Шар кімнің қолында болса сол адам би билеп береді. Шарымыз қоянның қолында. Қоян бізге би билеп береді.

Қоян: Менің шарларымның жіптері үзіліп қалыпты. Оларды мен қалай ұстаймын?

Тәрбиеші: Балалар қоянға көмектесейік. Шарларына жіп тағып берейік.

Ойын: «Шарға жіп тағу»

Тәрбиеші: Түстеріне қарай шарларға жіп тағамыз.

Қоян: Балалар сендерге рахмет менің шарларымды тауып бердіңдер, шарларыма жіп тағып бердіңдер. Мен енді кетейін. Мына шарларды сендерге ойнауға берейін.

Тәрбиеші: Балалар қоянды шығарып салайық. Біздермен бірге би билеп, ойын ойнағаның үшін көп алғыс айтамыз.

Қоян: Мен сендердің арқаларында  көңілім көтеріліп қалды.

(Қоянмен қоштасу)

Тәрбиеші: Балалар бүгінгі көңілді шарлар мерекесі аяқталды. Шарларымызды аспанға ұшырайық.