Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Өзiн-өзi тану пәні бойынша ұйымдастырылған оқу іс – әрекетінің жоспары.«Сенім туралы.»

«Бекітемін»

Күні:

Өзiн-өзi тану пәні бойынша ұйымдастырылған оқу іс – әрекетінің  жоспары.

Мектеп: Тасмола  орта  жалпы  білім  беретін  мектебі

Мұғалiм: Кабидуллиева Гали Айткалиевна

Сынып: 5  Оқушылар саны:  14

Тақырып: 23-сабақ  «Сенім туралы.»

Құндылық:    дұрыс әрекет                        

Қасиеттер: адалдық, ізгілік, үміт

Сабақ мақсаты:  оқушыларға сенім туралы  түсініктерін кеңейте отырып, дұрыс әрекет құндылығының мәнін ашу.

Сабақтың міндеттері:

оқушыларға адамдар арасындағы сенім ұғымы туралы түсінік бере отырып, адалдық қасиетінің мәнін ашу;

оқушылардың адалдық, өзіне деген сенімділік сияқты жақсы қасиеттерін  дамыту;

оқушыларды адалдыққа, ізгілікке тәрбиелеу.

Ресурстар:

(құралдар, мәлiметтер)

постерлер,

маркерлер,суреттер

Сабақ барысы:  1.Ұйымдастыру кезеңi.

  Оқушылармен амандасып, « Өзін –өзі тану » сабағының ережесін « 5 –Т » қайталап,сабаққа қатысқандары үшін әр балаға 20-25  ұпайдан  беремін.

( 5 т:тәртіп,талап,тыныштық, тазалық, татулық)

Топқа бөлу:  

  1. Тыныштық сәтi.  Орманға ойша серуен

    Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым босаңсып, сабырлы болуға тырысыңыз. Қазір біз орманға серуенге шығамыз. Өзіңізді сынып есігіне қарай беттетіп, есікті ашқаныңызды, дәлізбен өтіп, далаға шыққаныңызды елестетіңіз. Таза ауа жұтып, шашыңызды желбіреткен желді және бетіңізді сәл - пәл қыздырған күн сәулесін сезініңіз. Орманға қарай жүре бастаңыз.Келе жатқанда абай болыңыз, жәндіктерді басып кетпеңіз.Бір минут тоқтап айналаға көз салыңыз. Табиғаттың әсемдігі мен жылылығын сезініңіз. Гүлдің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдермен ағаштардың иісі, құстардың дауысы және жәндіктердің ызыңы.
    Орманға ендей түсіңіз, қараңызшы ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз.Алаңқайға шығыпосында бірнеше минут демалыңыз, түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз.Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз.Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз.

     Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиянымыз тигізбес үшін қамқорлық жасауды түсінеміз. Сіздің кез келген уақытта келіп демалатын орныңыз бар. Ал қазір мектептен қайтуға дайындалыңыз. Орныңыздан тұрып, айналаға тағы бір рет қараңыз,келген жолыңызбен кері қайтыңыз, жолыңыздағы жәндіктерді басып кетпеңіз.Міне, мектептің алдына да келдік.Айналаңызға тағы бір қараңыз. Таза ауадан терең жұтыңыз, есікті ашып, өз орныңызға қайтып келіңіз. Осы жым – жырттық, тыныштық, қанағат сезімін өзіңде сақтаңыз. Көзіңізді ашып, күлімсіреңіз! Сабақ тақырыбымен, оқу мақсаттарымен, дескрипторлармен таныстыру.

  1. 2.Үй тапсырмасын тексеру   22-сабақ
 
  1. 3.Дәйексөз.

«Бойымыздағы сенімділік, өзгелерге де сеніммен қарауға көмектеседі»

Франсуа де Ларошфуко

1.Дәйексөз  мағынасын  қалай  түсіндің?

2.Сенім қандай іс-әрекеттердің бастауы бола алады?

3.Өзіне сенімді адамның бойында қандай қасиеттер болады?

«Екі жұлдыз және тілек» әдісі  

 

  1. Мұғалім  сыйы.

Екі дос пен тарғыл мысық (Әңгіме) Серік Үсенұлы Екеуі бірге мектептен қайтып келе жатқан. Бір кезде жол саябақты кесіп өтетін жіңішке соқпаққа ұласты. Дәл сол кезде есіне кенет бірдеңе сап еткен Дарқан әңгімені басқа тақырыпқа бұрды. – Сәрсен, саған бірдеңе көрсетейін бе?– деді досына қарап. – Ол не?– деді Сәрсен Дарқанның үніндегі өзгеріске елең етіп. – Көресің бе?.. Алдымен соны айтсаңшы… – Көрем. Не ол? – Онда жүр. Қазір көресің. Соны айтқан Дарқан жолдан шығып, саябақтың ортасына қарай жүрді. Онда үлкен-үлкен ор қазылып, электр сымдары тартылып, күрделі жӛндеу жұмыстары жүріп жатқан еді. Жүруге қиын болатын. Сәрсен сәл бөгеліп  қалғанмен, ақыры досының артынан амалсыз ерді. Екінші жағынан оны Дарқанның жаңа кӛрсетем деген нәрсесі қызықтырған еді. «Не болды екен?» деп ойлаған ол Дарқанға қарай асықты. Сәрсен Дарқанды ұзатпай қуып жетті. – Ол не, Дарқан? Айтшы…– деді қатарласа бере. – Асықпа, қазір көресің,– деді досы құпия жымиып. Сұрақтың салмағы одан сайын арта түсті. Жауабы айтылмаған жұмбақ тағатты таусар халге жеткізді. Екеуі ентіге басып бір шеттегі үлкен шұңқырдың жиегіне келіп тоқтады. Тереңдігі 3-4 метр келетін дәу ұраның іші бетонмен құйылыпты. Тіп-тік және адамның бойы жетпестей биік. Жағасындағы үйінді топырақпен тіпте де биіктей түскендей. Ал түбі теп-тегіс. Ірге жақта жатқан үлкендігі бақырдай екі- үш тарғыл тастан басқа ештеңе байқалмайды. – Осы ма?– деді Сәрсен Дарқанға мұрнын тыржитып. – Мұндай шұңқырлар кӛп қой қалада! – Сен ештеңе көрмедің бе?– деді Дарқан досының жүзіне барлай қарап. Сәрсен сасып қалды. – Не-е? Кӛретін тағы не бар?– деді өз-өзінен қуыстана шұңқырға қайта үңіліп. – Қарадым ғой, не бар онда?.. – Сен шынымен ештеңе көрмедің бе?..– деді Дарқан оның қитығына тие, мазақтай тіл қатып. – Қара ана жаққа, соқыр! Ірге жақтағы ана тастың түбінде мысық отыр…– деді сұқ саусағымен нұсқап. – Кәне…– Еңкейе түскен Сәрсен артынша қуана шалқайды. – Ей, рас. Анда мысық отыр екен ғой. Тастан аумайды екен ӛзі. Тас екен деп қаппын… Бұл қайдан жүр мұнда?.. – Білмеймін. Кеше кеште осы тұстан өтіп бара жатқанда байқадым. Бірдеңе мияулайды. Бұрылып келіп қарасам, осы мысық екен. Біреулер әкеп тастаған ба, жоқ өзі түсіп кеткен бе, білмеймін?! Жанталасып шыға алмай жүр. Орта тұсқа дейін секіріп келеді де, қайта құлайды. Артынша қайта секіреді… қайта құлайды. Мен де көмектесе алмадым. Болмаған соң, үйден нан әкеліп бердім. Қараңғы түсіп кетті, амалсыз үйге қайттым… Бүгін сабақта күні бойы осыны ойлап отырдым. Бірақ шығарып алатын ешбір амал таба алмадым. – Жіп салып тартып алмаймыз ба?– деді сәл ойланып қалған Сәрсен. – Жоқ. Оны кеше істеп көрдім. Жіпті салғаныңмен, ұстай алмайды екен. Аяғымен шұқып ойнап жүр, мені ойнатып жатыр деп қалған секілді… – Онда қайтеміз?.. – Бәсе, қайтеміз? Екеуі біраз үнсіз тұрған соң кері бұрылды. Мысық та алға қарай мияулай ұмтылды. Ілмиіп қу жаны қалыпты. «Мені тастап қайда барасыңдар?» дейтіндей. Аянышты үні құлақтарынан өтіп, жүректеріне жетті. Бір-біріне қарасып тағы бір сәт тұрып қалды. Сол аралықта: – Таптым!– деді Дарқан Сәрсеннің иығынан алақанымен салып қалып.– Таптым! Жүр, маған кӛмектес.– Арқасындағы сӛмкесін шешіп жерге қоя салған ол досының қолынан алып сүйрей жӛнелді. – Білдім,– деп қояды жолда келе жатып. – Кешелі бері қалай ойыма келмеген?! Дарқан Сәрсенді ұзындығы 4-5 метр келетін жеңді білектей кесілген ағаштың қасына ертіп келді. – Мынаны кеше кӛргем. Апарып салу есіме келмепті,– деді жүзі балбұл жанып. – Ал кеттік! Не істеу керек екенін енді аңғарған Сәрсен сұлап жатқан құрғақ ағаштың бір басын иығына салды да, кері жүрді. Олар ағаштың бір басын шұңқырдың ішіне түсіріп, шұңқырдың бұрышына қарай итеріп қойды. Екінші басын шұңқырдың жиегіне тіреп еді, ағаш қабырғаға кӛлбей сүйеніп тұра қалды. Екеуі енді қайтер екен деп мысыққа қарады. Алғашында шошып кері қашқан мысық аздан соң, бойы үйренгеннен кейін сыртта тұрған қамқоршыларының ойын түсінгендей, ағашқа жақындап, иіскелей бастады. Арада көп уақыт өтпеді. Мысық көз ілеспес жылдамдықпен көлбеу ағашқа қарғып шықты да, соның үстімен екі секіріп, сыртқа қарай ытқыды. Мұны көрген екі бала қуаныштары қойындарына сыймай айғайлап жіберді.

1.«Сенімділік батылдыққа жетелейді» дегенді қалай түсінесіңдер?

2. Өзіңе сенімді болу үшін не істеу керек?

3.Өзіңе сенім артқан кезде қандай күйге бөленесің? Айтып бер.

 

4.Шығармашылық  тапсырма. 

1-тапсырма

«Өзіңе  сенімділік  мақсатқа  жеткізер»  тақырыбында  ой-толғау жазыңдар.

2-тапсырма

«Сенім»  деген  сөздің  әрбір  әрпінен  басталатын  адами  қасиетті  білдіретін сөздерді жазыңдар.

3-тапсырма  Өміршендік ережесін құрастыр.

Бағалау парақшасы  Дұрыс жауапқа 5 балл.

Дескрипторлар:

-  прозалық мәтіндерге, дәйексөздерге өз көзқарасын білдіреді;

- шығарма кейіпкерлерінің әрекетін қазіргі өмірмен салыстыра бағалайды;

- шығарманың тақырыбын, идеясын, автордың көзқарасын, суреттеулерді, астарлы мағыналарды түсінеді;

-жеке, жұптық, топтық тапсырмаларды орындай алады.

 

5.Топпен ән айту. 

Сенім

 Өлеңін жазған Ринат Зайытов

 Әнін жазған Ұлықпан Жолдасов

Сездірмей жүрген,

 Тек өзім білген.

Бір сенім бар,

Жоғалмас мүлдем.

Сол сенім барда

Асығам алға

Ақ тілегім, биікке самға.

Қайырмасы:

Тағдыр жолы көп торабы

 Ақ пен қара жолағы

 Сенім – маған серік болады.

 Ақ таңдарды мен көремін,

Дауылды да жеңемін.

Жүрегіммен сенемін.

Жылуын берер,

Шапағат төгер

 Махаббатым адаспай келер,

Асқардай биік,

Армандар жиып

 Мен өтемін.

Өмірді сүйіп

 Қайырмасы.

Тағдыр жолы көп торабы

Ақ пен қара жолағы

 Сенім – маған серік болады.

 Ақ таңдарды мен көремін,

 Дауылды да жеңемін.

Жүрегіммен сенемін.

Қайырмасы.

 

6.Үй тапсырмасы.   23-сабақ

Оқушылар сабақ барысында алған  3 жаңа алған ақпаратын, сабақта   кездескен 2  қиыншылықты және  сабақтың ұнаған 1 аспектісі туралы айтады. 

Мұғалімнің оқушыға берген  кері байланысы    

 

7.Соңғы тыныштық сәтi.

  1.  Балалар, енді бір сәт тынышталайық.

Денелерімізді түзу ұстап, басымызды жоғары көтеріп, ыңғайланып отырамыз. Ауаны терең жұтып, еркін тыныстаймыз, айналадағы барлық тіршілік иесі аялап, қоршап, қамқор болып жатқанын сезінеміз. Тұла бойымыз жақсылыққа, махаббатқа толғанын сезінуге ұмтыламыз. Бүгінгі сабақтан алған әсерлерің мен жақсы ойларыңды естеріңе түсіріп көріңдерші... Оны өздеріңмен бірге қалу үшін жүректеріңе салып сақтаңдар. Аңсаған армандарларыңа жетулеріңізге тілектеспін. Бүгін сендер өте көп жақсы істер жасадыңдар, ойларыңды жеткізе білдіңдер. жақсы ойлар айттыңдар сол үшін сендерге рақмет айтамын! Бүгінгі сабақта өткен тақырыбымызды,құндылықтар мен қасиеттерді жүректеріңізге сақтаңыздар.Сабақ аяқталды.

Бүгінгі күндерің қуаныш әкелсін!

 


Пікірлер (0)

Пікір қалдырыңыз