Өлеңдер бөлімі

Жеті ата

  • admin
  • 15.05.2019
  • 0
  • 0
  • 29
– Баласының баласы –
Көздерінің қарасы,
Атасына немене?
Әжесіне немене?
– НЕМЕРЕ!

– Немеренің баласы –
Көңілінің санасы,
Атасына немене?
Әжесіне немене?
– ШӨБЕРЕ!

– Шөберенің баласы –
Көйлегінің жаңасы,
Атасына кім десек?
Әжесіне кім десек?
– ШӨПШЕК!

– Ал, шөпшектің баласы, –
Саусағының саласы,
Атасына немене?
Әжесіне немене?
– НЕМЕНЕ!

– Немененің баласы –
Алты ауылдың арасы,
Атасына қай бала?
Әжесіне қай бала?
– ҚАЙМАНА!

Жетеуі де ірі,
Жеті атаның – бірі.
Болмау үшін жаманат,
Болмақ үшін саламат
Жеті отаудың Тіреуі:
– Біреуіне – біреуі
Үйленуге болмайды! –
Деп аманат жолдайды...

Қаймананың баласы –
Бересі де, аласы,
Жаңа әулеттің ескісі,
Ескі әулеттің жаңасы.

Атасына туа – жат,
Әжесіне туа – жат.
Оның аты – ТУАЖАТ!
ТУМА-ТУЫС

Ауыр болар наласы,
Қыздарының баласы,
Атасына бір сүйем,
Әжесіне бір сүйем
Тартып туған –
ЖИЕН!

Ал жиеннің баласы,
Жоқ ішінде аласы,
Атасына тұлғасы,
Әжесіне сұлбасы
Тартып туар сәл –
ЖИЕНШАР!

Ал қыздардың баласы,
Қандай тату, қарашы!
Түскі дәмді,
Кешкі дәмді,
Таңғы дәмді,
Соңғы нанды
«Өле жемей, бөле жейді!»
Сондықтан да
«БӨЛЕ!» дейді.

Басқа да өлеңдері

Еліб

  • 0
  • 0

Мақтайды, ешкім кемітпейді,
Бүркіт маңғаз, желікпейді.
Қауырсын талшық-түкті,
Талшық-түгін еліб дейді.

Толық

Әулет әліппесінен ақыл-нақыл

  • 0
  • 0

Ойнап-күліп жүру керек,
Ойлап жүріп-тұру керек!
Жеті жасқа жетпей бала
«Жеті атасын» білу керек!

Толық

Шалғы

  • 0
  • 0

Бүркіт сұсты, сәнді келер,
Көп ол жайлы әңгімелер.
Ең ұзын он қауырсынын
Атайды екен шалғы деп ел.

Толық

Пікірлер (0)

Пікір қалдырыңыз

Серіктестер

Загрузка...