Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бөген қыздары

Ғафу Қайырбеков

Бөген қыздары

  • 22.05.2019
  • 0
  • 0
  • 1164
Мынау қара тереңнен
Алды ма екен әз көрік,
Қыздар туған Бөгеннен
Ылғи қара көз болып.
Қарай қалса қиын-ақ,
Көп сыр айтар тілдеспей,
Бар еркіңді жиып ап,
Енді қайтып берместей.
Солар ма екен жылытқан
Сақтап ыстық бар күшті,
Боран, дауыл, суықтан
Оралғанда балықшы.
Әйтеуір бір ғажайып
Жігіттері көңілді-ақ.
Жүрсе де ұзақ ау жайып,
Аптада бір дамылдап.
Ақ балықты алды олар
Иыққа асып, именбей,
Күн астында кіл сұлу
Күміс тасып жүргендей.
Қасында өтсе күн мен ай,
Қалмас көңіл ызғары,
Жақсы екенсің, дүние-ай,
Шіркін Бөген қыздары!

Ғафу Қайырбеков бөген қыз бөген қыздары Ғафу Қайырбеков өлеңдері

Пікірлер (0)

Пікір қалдырыңыз

Көк дәптер

  • 0
  • 0

Көк дәптер ақын қолы шимайлаған
Арқандай әр қазыққа жыр байлаған,
Үзілген түрлі ағаштан
Жапырақтай

Толық

Ленинград жырларынан

  • 0
  • 0

Келдім мен тоғыз болмай, қызметкердей,
Мың келіп бұрын буған, мың кеткендей.
Ағылған адамдардың әр қайсысы,–
Бүгінгі атқаратын міндеттердей.

Толық

Астанада көшесі бар Гогольдің

  • 0
  • 0

Астанада көшесі бар Гогольдің,
Астанада қызыл гүлдей жарым бар.
Сол көшемен мендік бақытты өмірдің
Сол жарыммен қыдырған бір шағы бар...

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер