Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Керемет қала — Кентау

Ғафу Қайырбеков

Керемет қала — Кентау

  • 22.05.2019
  • 0
  • 0
  • 3565
Абай, Пушкин, Толстой,
Жамбыл, Шоқан, Ыбырай –
Бәрі де бір алып қой,
Өнері мол, жыры бай! –
«Оны неге тіздің?» - деп,
Таңырқама, дос, маған.
Тірлігінде «сіз», «біз» - деп,
Тағдыр басын қоспаған.
Осы алыптар Кентауда
Кездесіпті дәл бүгін.
Әр кешінде, әр таңда
Атайды екен барлығын.
Көшелердің есімі –
Дәл осылай қойылған.
Өңшең алып, ешбірі
Шығар емес ойыңнан.
Бәрі мұнда сәбидей
Сүп-сүйкімді, жап-жаңа.
Бүгін туған ән-күйдей
Көше жаңа, бақ жаңа.
Қаратаудың төсінде
Тіккен орда көп болған.
Ғасырлардың көшінде
Жығылған да, жоқ болған.
Жығылмас бұл, тұрар мың
Жыл өтсе де, жас қалам!
Достық - атты құралмен
Сомдап соғып тастаған!

Ғафу Қайырбеков қала керемет Кентау керемет қала — кентау Ғафу Қайырбеков өлеңдері

Пікірлер (0)

Пікір қалдырыңыз

ШаҺсәнәм

  • 0
  • 1

Бұл — күн десем, бұлбұл десем нанбас ең,
Мен қайтейін, ол теңеуге бармас ем,
Егер Шаржоу аспанының астында,
Ол секілді естімесем әнді әсем!

Толық

Шашу

  • 0
  • 0

Қазақстан - менің туған анамсың,
Өзгеде жоқ, өзімде бар даласың.
Кеңдігіңмен, молдығыңмен момақан,
Ақыл, сабыр үлестірген данамсың.

Толық

Сәлем бауыр-құрдастан

  • 0
  • 0

Тарих - кітап. Үңілем мен сан жылға,
Нелер ғажап оқиғалар бар мұнда.
Міне, бір жыл... Батыр Богдан тұр сөйлеп,
Бүкіл байтақ Украина алдында.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер