Эссе және өлең-жыр байқауы

Мағынасыз құр даурық

  • admin
  • 10.06.2019
  • 0
  • 0
  • 195
(Кейбір есер жолдасқа)

Өз үніне өзі мәз боп,
Даңғырлаған қос қуыс,
Желден жеңіл шиыры көп,
Түйір тұрмас бос уыс.
Ертеңгің де бүгінгің ғой
Несі медеу несиең.
Өрісі жоқ құр қайыршы ой
Қымбат болмақ не ісімен.
Оған сеніп осы тұлға,
Болады деп кім сенбек.
Елді мінеп тізген қылға
Жапқан жалаң кімге ермек.
Ертең берер асылыңды,
Бүгін несін сүрлейсің.
Өз бойыңнан көрмей мінді
Жатты неге кірлейсің.
Тұрпатына тұрмас тонға
Киемін деп сұғынба.
Есті қауым айтқан оңға,
Бармай орға жығылма.
Бір жығылсаң тұра алмассың,
Халық өрі қақпандай.
Заман бетін бұра алмассың,
Қор боп жүрме сақтанбай.

Басқа да өлеңдері

Таңсық

  • 0
  • 0

Апасы ақ Баянның ару Таңсық,
Туған қыз, тұрған кезде өмір қаңсып,
Шынардың шыбытындай ширатылып,
Қос өрім өстің өксіп суда шалшық.

Толық

Петроград көшелерінде

  • 0
  • 0

Невский деп бір көшемен келеміз,
Көрінгенге таңдана қарай береміз,
Ел де бізге қарайды "бұл кім?" - деп,
Баста тымақ, қолбаңдаған денеміз.

Толық

Людмила

  • 0
  • 0

Сұңғақ бойлы, сергек ойлы жас қыздың,
Шежіресіндей Кавказдағы аңыздың.
Айтқанында құлақ құрышын қандыра
Аңыз сырын көкірегінде қалдыра.

Толық

Пікірлер (0)

Пікір қалдырыңыз


Жүктелуде...