Эссе және өлең-жыр байқауы

Батыстан сәлем

  • admin
  • 12.06.2019
  • 0
  • 0
  • 200
Жазамын сәлем сағынып,
Зарықпа ойлап, жан ана,
Қару – жарақ тағынып —
Аттанған жалғыз мен ғана.
Емеспін елден өзгеше,
Еңіреп ойлап егілер,
Сен сияқты сан шеше —
Көзінен жасы төгілер.
Сағынып мендей ұланын,
Майданда жүрген қан кешіп,
Күн сайын түріп құлағын,
Тыным алмай бел шешіп.
Күңіренсе сондай аналар,
Көкірегін кере күрсініп,
Саған да қайғы жамылар,
Жүрегің үннен түршігіп.
Батыстан барған хатымнан,
Алыс деп анам шошынба,
Жеңісті көрем жақыннан,
Қуаныш күйі осында.
Батысқа гулеп біз жеттік,
Күл қылып үгіп қамалын,
Жау ордасын күйреттік,
Отқа қақтап заманын.
Біз батысты қиратып,
Бүлдірмейміз қаласын,
Баласын жетім жылатып
Аңыратпаймыз анасын.
Біз батыстың жаңа елін,
Жақын бауыр етеміз,
Бауыр елдің мекенін
Гүл бақшасы етеміз.
Енді батыс біздің жер,
Тойдың туы осында,
Батыстың елі біздің ел,
Алыс деп анам шошынба.
Батыс пен Шығыс арасын,
Жақындатқан жандармыз,
Батыс пен Шығыс қаласын,
Саяхатқа таңдармыз.
Той жабдығын, анажан,
Сіз де ауылда әзірле.
Хат кешіксе балаңнан
Сағынып ойлап езілме.

Басқа да өлеңдері

Кездестім неге мен саған

  • 0
  • 0

Кездестім неге мен саған,
Тарттың сен неге бойыңа?..
Өшпейтін арман сен маған,
Орнаттың мәңгі ойыма.

Толық

Қуан, бөпем!

  • 0
  • 0

Тамылжыды жазғы іңір,
Туды толқып алтын ай.
Сайрап бақта тұр бұлбұл,
Тыңда, тыңда, сәулетай!

Толық

Ләйләға

  • 0
  • 0

Ләйләсі емес арабтың
Айтарым менің жыр етіп.
Қанатындай талаптың
Өмірге ұшқан шыр етіп.

Толық


Пікірлер (0)

Пікір қалдырыңыз

Серіктестер

Загрузка...