Эссе және өлең-жыр байқауы

Қаралы бір сұлуға

  • admin
  • 12.06.2019
  • 0
  • 0
  • 206
Қара түнек қайғының ізі
Шиірін салып, шырайын алған,
Нұры тамған сұлудың жүзі
Бозарып солып сүлдері қалған.
Сүйкімді мөлдір қара көзді
Қасірет қармап бөлеген ызғар.
Әдепті ерке мінезін ізгі,
Салқындатқан бір суық сыз бар.
Күлкіге біткен алуа ерін де
Жаңылғандай жақсы әдеттен.
Шаттықтан із жоқ еш жерінде,
Бәрі үрей боп қайда кеткен?..
Қайда кетсін, кетсін қайда,
Кеткен шығар қайғыдан сырғып,
Қайғыны жеңер қайратың қайда?
Сайрашы, сұлу, шерінді жыр ғып,
Қасіретіңді жырменен жу,
Жаныңды бөле жыр торқаға,
Басындырма қайғыңды қу,
Бекітіп бойды шықшы ортаға.
Адасу көп, өмір қысқа,
Түзелгенше тұр бітпесін,
Өзгермесін асыл нұсқа,
Қасірет басып гүл бітпесін.
Гүл қонақ қой өмірі тым аз,
Бір солған соң қайта өнер ме.
Соны ойлан да жаранды жаз,
Ақын жаннан от сөнер ме.
Қызған оны қызыға күйіп,
Қызғана сүймей қызығы не.
Зарығып жетпей тартпасаң күйік,
Өзге өмірден озығы не...

Басқа да өлеңдері

Айдос

  • 0
  • 0

Домбыра үні сыр тілі
Пернемен жосып сарнайды.
Көкейге күйдің сыбыры
Күңіреніп зарлайды.

Толық

Бахара

  • 0
  • 0

"Бұхараи шәріп" деп
Әлемге атын дәріптеп
Мақтанып тәжік, өзбек
"Қасиетті қала" деп,

Толық

Сарыжайлау

  • 0
  • 0

Сарыны жүйткіп сарыжайлау
Құлазып Арқа желіндей,
Күйінген бір үн бай - байлау
Күңіренген күйзеу еліндей.

Толық

Пікірлер (0)

Пікір қалдырыңыз


Жүктелуде...