Әркімнің есебі бар
- 0
- 0
Бұл күнде әркім ойлап бас пайдасын,
Тегіннен тегін, сірә, аспайды асын.
Бір ісі түсе қалса, күле тұрып,
Құшағын қуанышпен ашпайды, ә, шын.
Қалтадағы құлақ
Жездемнің бір құлағыАлмалы-салмалы болды,
Он-ақ грамм салмағы болды.
Шынында бұл құлағы
Ерекше бақпа құлақ еді,
Бәрін еститін қақпа құлақ еді.
Сол құлағын жатарда алып қоятын,
Қалтасына салып қоятын.
Бірде ол әдетінен жаңылып,
Арақ ішіп қағынып,
Құдайы атып қалды,
Есін білмей жатып қалды.
Мұндайда баланың жыны бар-ды:
Алмалы құлақты
Қатты ұнатты,
Ақыры жұлып алды.
Сөйтті де далаға ойнап кетті,
Достарымен тойлап кетті..
Өзенді бойлап кетті.
Оны басқалар байқамады,
Байқаса, әрине, қайтарады.
Бір кезде жездем ес жиып,
Қарады бізге состиып:
– Құлағым қайда? – деді, –
Табыңдар, әйда! – деді.
Біз қалтаға қара дейміз,
Ол балтаға қарайды.
Біз еденге қара дейміз,
Ол легенге қарайды.
Біз текшеге қара дейміз,
Ол өкшеге қарайды.
Сөйтсек, ол бізді естімейді екен,
Өзін ғана есті дейді екен.
«Жабыл, жабыл, жабыл», – деп, –
Құлақ, тездеп табыл», – деп, –
Үйді түгел ақтардық,
Құлауға да шақ қалдық..
Жездем: «Құлақ!» – деп, көзін бақырайтты,
Сол кезде біреу ақыл айтты:
«Болмас, сірә, бұл айып,
Балалардан сұрайық,
Табылмаса, шын айып,
Басқа не амал қылайық?»
Барсақ, балалар құлақты,
Жетелегендей лақты,
Жіпке байлап сүйретіп жүр,
(Мүмкін, балық аулауды үйретіп жүр).
Құлақ иесіне қайтты,
Бірақ, бір бала айтты:
«Күндіз құлаққа ілгенше,
Түнде қалтада жүргенше,
Мұндай құлақты.
Тұру үшін тұрақты,
Байлап қою керек жіппенен», –
Ұсыныс болды бұл күтпеген.
* * *
Бұл сөз жездемнің ойында жүрді:
Көңілі жайланып.
Құлақ жіпке байланып,
Түнде қалтада емес,
Жатқанда да мойында жүрді.
Пікірлер (0)
Пікір қалдырыңыз
Кесіп-пішіп дүниенің өлшемін
- 0
- 0
Кесіп-пішіп дүниенің өлшемін,
Жаттым балқып құшағыңда мен сенің.
Сол-ақ екен жастығым мен мастығым –
Тегенедей төңкерілген емшегің.
Жеңіл жүрсең, жеңілтек дос табарсың
- 1
- 0
Жеңіл жүрсең, жеңілтек дос табарсың,
Көбелектей жел қуған қостанарсың.
Ажарың мен базарың тарқаған соң,
Керексіз боп ешкімге бос қаларсың.
Қарап көріңіз
Басқа да жазбалар
Пікірлер
-
Динара
Шынымен де әдемі мектеп екен -
Динара
қызық екен -
Айша
өте жақсы екен
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі