Абай рухына тағзым

Баланар інжу-маржан жыры асылға,
Ғаламға кең сермеген құлашында.
Бұрын соңды өзге ешкімнен табылмаған,
Абайдың қазына бар мұрасында.

Абайдай шын өнеге,еренді ойлап,
Ізімен ұлы атамның келем жайлап.
Жыр жаздым ұлы Абайға тағзым қылып,
Жүрегімнің түбіне терең бойлап.

Жазылған елдің мұңы қаламында,
Айналған қазақ үшін бағалы ұлға.
Надан боп,адамдықтан тозған жұрттың,
Озғаны болыпты ғой заманында.

Байқалар жырларынан жаңа саф үн,
Сөздері тек шындыққа жанасатын.
Ұлы Абай болжампаз,әулие кісі,
Жырлары болашаққа жол ашатын.


Ешқашан тайқытпаған бағын жолдан,
Ойында таусылмайтын шабыт толған.
Өзі емес өзгенің қамын ойлап,
Тас қараңғы түнекке жарық болған.

---