Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Жігерлендіру немесе өзін бақытсызбын деп есептеген жігітке жауап

  • kz2015
  • 12.05.2015
  • 3
  • 10
  • 27986
Сен жыладың, жігітім,
Көп көрдім деп тұрмыстың тапшылығын,
Қайтпады деп жұртқа еткен жақсылығым.
Сен жыладың,
Сезімің жасып ағып,
Кіп-кішкентай балаңды қасына алып.
Қырмызы күнім өтті деп.
Сенгенім сатып кетті деп.
Сен жыладың:
Аңғармай қалдым орды деп,
Қадамым сәтсіз болды деп,
Бір қатты соққы алдым деп,
Бақытсыз болып қалдым деп.
Сен жыладың,:
Мен бірақ селт етпедім,
Білем сені тағдырдың ерке еткенін,
Білем сені - өр көңіл, жомарт едің,
Енді бүгін... қалай бұл кер кеткенің?
Жә, жә, жарар,
Өткен күн оралар ма,
Қарау керек, бауырым, саған алға.
Басындағы бөрік пе,
Орамал ма?
Бөрік болса, ауыс тез басқа күйге,
Көз жасыңды көрсетпе жас сәбиге.
Көз жасыңды көрсетпе, сұранамын,
Әй, әй, жігіт, сен маған ұнамадың.
Жас нәресте көруге тиісті емес,
Әкесінің еңкілдеп жылағанын,
Әкесінің тым күйреп құлағанын.
Ерлік пенен ездіктің жолы қатар
Екеуінің арасы бір-ақ адым.
Көз жасыңды көрсетпе, сұранамын.
Көтер, кәне, басыңды, қалай бұның,
Мұз боп еріп кеткен бе бар айбының?
Көтер, кәне, басыңды,
Күніңді босқа өткізіп пе едің,
Тағдырың неге сыр айтты сараң?
Өмірдің барлық сәтсіздіктерін
Бақытсыздық деп кім айтты саған?
Кім айтты саған:
Тұлпарды сүрінбейді деп,
Асауды мінілмейді деп,
Ақкөйлекті кірлемейді деп,
Қара ешкі мүжіген ағаш
Қайтадан гүлдемейді деп?
Кім айтты саған:
Жұрттың бәрі мейірбан, арайлы деп,
Жұрттың бәрі шындықты қалайды деп,
Биікті ардақтайды деп,
Асылды қорлатпайды деп...
Тоқырау білмес айбыны
Адалдық деген - әлемнің ұлы байлығы.
Бетіне жиған ұятты
Әйтсе де, кейде ол кінәмшіл бала сияқты.
Тірлікте осы баланы
Өкпелететіндер бар да,
Жұбататындар бар.
Жек көретіндер бар да,
Ұнататындар бар.
Арын сатып қорлайтындар бар да,
Жанын сап қорғайтындар бар.
Қиналып бекер алаңдадың-ау,
Ойынды шығар өріске.
Өзің-ақ айтшы ғаламда мынау
Жеңудің бәрі жеңіс пе?
Жігітке арман жеткізіп пе еді
Өз сорын өзі жеңбесе.
Өмірдің барлық сәтсіздіктері
Бақытсыздық емес, ендеше!

Басқа да өлеңдері

Биге неге шақырмадың?

  • 0
  • 0

Бірінші рет сені тойда көріп ем,
Күлімсіреп маған сәлем беріп ең.
Неге екенін мен өзім де білмеймін,
Орын алдың жүрегімнің төрінен, сәулетай.

Толық

Жұбайлар бар әңгімесі таусылған

  • 2
  • 11

Тағдырыңды қатыгез де, сараң де,
Сен сүйгенмен, ол сүймесе - шараң не?
Махаббат ол — қос жүректің әні ғой,
Өзіне сай дауыс керек әр әнге.

Толық

Махаббаттың жазылмаған заңы

  • 0
  • 3

Жол бұралаң, сезім тура, oй тура,
Жол түскен соң болмас кейін қайтуға.
Сүйген адам сезімі үшін бақытты,
Болмайды оны бақытсыз деп айтуға.

Толық

Пікірлер (10)

Жандос

М.ШАХАНОВ ақындық өнердің құбылысы. Мұндай кісілер 1 ғасырда бір-ақ рет туылады.

Айгүл

Мұхтар ағамызға Аллах ұзақ ғұмыр берсін.

Асемай

Мухтар Шаханов атамыз өте асыл жан ардақты адам

Батима.Атырау

Өлеңдерінен катты асер алам .Кайта кайта окый бергім келеді

Алдонгарова Мадина

Мұхтар аға ! Өлеңдеріңіз керемет . Ютубта бармын . Ешкім пікір жазбайды . Сіз жазыңызшы , өтінемін . Мен үшін маңызды . Сізге ұнамаса , ешқашан жазбаймын .Менің аты -жөніммен кірсеңіз табасыз . Мадина

Назым

Не деген керемет өлен

Лəззат

Маған М.Шахановтың барлық өлеңдері ұнайды.өлеңдері керемет əсер етеді.

Арайлым

Маган Мұхтар Шахановтын барлық өлеңдері ұнайды.Өте кушті

Әділбек

Мұхтар аға өлеңдеріңіз өте керемет !

Роза

Мухтар аганын әр оленін оқыған сайын бір жасап қаламын. Сіздің өз өлеңдеріңізді өзіңіз оқығаныңызды тындау мен үшін бір ғанибет екенін айтуым керек.

Пікір қалдырыңыз

Серіктестер

Загрузка...