Өлең-жыр байқауы

Фатимаға жазған хаттан

Шұбар тауға шарықтап,
Жетші жылдам, өлеңім,
Аққудайын аруға
Айтшы, ақынның сәлемін.

Сәлем жеткіз сұлуға
Алатаудың баурынан,
Жас ақынның лепірген
Жүрегінен, жанынан.

Сен оған айт: «Жас ақын
Болған саған құмар» де,
«Сырын айтпай жас жүрек
Қайтып қана шыдар» де.

«Соққан сайын жүрегі
Саған қарай талпынар,
Басқан сайын адымы
Саған арнап басылар»

Айт осыны аруға,
Аймалашы жүрегін,
Ғашық болған жас жанның
Бермес пе екен тілегін!

Мұздай болса жүрегі
Жылытып көр от болып,
Сырласып көр жанымен
Түн ұйқысын төрт бөліп.

Ұялап ал жанына,
Ала берші тынышын,
Оралып ақ мойнына,
Тілінен сүй мен үшін.

Тысқа шықса, бірге шық,
Үйге кірсе, бірге кір;
Жүрегінің сырын ұқ,
Махаббатын маған бұр.

Басқа да өлеңдері

Дүниеге жар

  • 0
  • 8

Ей, тәкаппар дүние!
Маған да бір қарашы.
Танисың ба сен мені?
Мен қазақтың баласы!

Толық

Hap тәуекел

  • 0
  • 0

Hap тәуекел! Құлаш ұрдым қиынға,
Қайрат шіркін алып шықса, қиын ба!
Бұл сапарда сүрініп те қалармын,
Сонда, досым, мені айыпқа бұйырма!

Толық

Теректің сыйлықтары

  • 0
  • 0

Тауды да, тасты жентектеп,
Дуылдап ұлып, өкіріп,
Долдана жылап өр тентек,
Ағады Терек жөңкіліп.

Толық

Пікірлер (1)

Alisa Bakitjanova

Отттте керемеееет!!! дарынды ақын өлеңдерін оқысаң өлеңдегі сипатталған зат немесе адамның арасында жүргендей боласын!!!

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)