Қазтуғанның қонысымен қоштасуы

  • admin
  • 25.11.2015
  • 0
  • 35
  • 29065
1
Арайна,билер,арайна,
Арайна десем, болғай ма?!
Арайнасыз әр қайда
Ердің ісі оңғай ма?!
Арайна болған
Қазтуған,
Қайғыланып сонда толғай ма?!

2
Ел қияға қонғай ма?
Еділ, Жайық арасы
Кеңшілік қоныс болғай ма?!
Ебей басты құба үлек
Ернімен шырпы шалғай ма?!
Бұл қоныста отырып,
Біздің мұсылман баласы
Жағасы босап тынғай ма?!

3
Еділді қоныс етпеңіз,
Жағалай қалмақ алады.
Жайықты қоныс етпеңіз,
Сыдыра біткен көкжиек,
Кәпірлер қала салады.
Аштарханды қоныс етпеңіз,
Шәһәрін оның алады.

4
Еділді алса - елді алар,
Енді алмаған не қалар?
Жайықты алса - жанды алар,
Жанды алған соң не қалар?
Ойылды алса - ойды алар,
Ойлашы, сонда не қалар?
Қара мауыты мұшақат
Бүтін тоғай жерді алар.
Жаз кіреге жақсы деп,
Дулығалы нарды алар,
Қыс кіреге жақсы деп,
Шудасы қалың айырды алар.
Сусынына шай алар,
Шайнауына май алар.

5
Ойыл да Қиыл, Жем, Сағыз,
Қайран саланың жатқан аңғары-ай,
Ақ шалмалы пірлердің
Мешітке жаққан шамдары-ай!
Менің бүйтіп қозғалақтап жүргенім
Аузы түкті кәпірдің
Күшті болған салдары-ай!
Кәпірден тендік алуға
Қайта келер деймісің
Мұсылманның баяғы
Шыңғыстан туған хандары-ай?!
Бұл қоныстан кетпесең,
Мұны талақ етпесең,
Атаңа нәлет кәпірдің
Пайдасына қалмаса игі еді
Ноғайлы, қазақ жұртымның
Кейінгі туған балдары-ай!

6
Адыра қалғыр көк Жайық,
Аңырап қалған қонысым!
Қонысымнан ауған соң,
Кетпегей еді ырысым.
Таудағы тарлан бөрі едім,
Тарылған сынды тынысым.
Кейінгі өскен жас бала,
Ақ балтырын түрініп,
Басарына ерініп,
Көкірегі күйініп,
Тек тірлікке сүйініп,
Ықтиярсыз жүгіріп,
Аузы түкті кәпірдің
Етпегей еді жұмысын!
Бұл қоныстан кетпесең,
Мұны талақ етпесең,
Екеу-екеу сөйлесіп,
Біздің кейінгі өскен жас бала
Аузы түкті кәпірдің
Соқпаса екен пайдасын!

7
Буыршынның жалғыз қырқар азуы,
Бөкеннің желіп өтер төрт саны,
Бұғының ауыр қара мүйізі,
Бидайықтың жалғыз соғары,
Қашағанның ұзын құрығы,
Ақ орданың тіреу сырығы,
Айдаса - қойдың көсемі,
Сөйлесе - тілдің шешені,
Арғымағын жаз жіберіп, күз мінген,
Күз жіберіп, жаз мінген,
Жазаласа - екі жылда бір мінген,
Жолдасын жолай іздеген,
Өзіне тиген дұшпанын
Қарт бурадай тіздеген -
Мен - Қарғабойлы Қазтуған,
Қайғыланып асып барамын
Ноғайлы-қазақ елімнен!

Басқа да өлеңдері

Мадақ жыры

  • 0
  • 9

Бұдырайған екі шекелі,
Мұздай үлкен көбелі,
Қары ұнымы сұлтандайын жүрісті,
Адырнасы шайы жібек окқа кіріс-ті,

Толық

Алаң да алаң, алаң жұрт

  • 1
  • 7

Алаң да алаң, алаң жұрт,
Ақала ордам қонған жұрт,
Атамыз біздің бұ Сүйініш
Күйеу болып барған жұрт,

Толық

Белгілі биік көк сеңгір

  • 0
  • 2

Белгілі биік көк сеңгір
Басынан қарға ұшырмас,
Ер қарауыл қарар деп,
Алыстан қара шалар деп;

Толық

Пікірлер (35)

троп түрлерін жазып беріңіздерші өтініш

өтініш

дариға

өте керемет жазылған

Мадина

Өте жақсы рахмет

темирлан

онын конысымен коштасу себебі неде

Сая

Қазтуғанның конысымен коштасу себеби неде екентн билип бериниздерши отиниш

Гука

Қазтұған неге өз қонысымен қоштасты

назерке

жəнібек пен керей

дариға

Керемет жақсы жазылған.

жайна

өтінемін маған Қазтуғанның қонысымен қоштасу себебі неде деген сұраққа жауап жазыңыздаршы өтінемін❤

назерке

Керемет толғау.Бірден жаттап алдым.Көп рахмет!

Назым

Өте жақсы өлең .Маған ұнады

Дина

Осы такырып бойынша эссе тауып бериниздерши

толкын магжан

толгауды суреттеп сурет алып бериниздерши отинем

Сандугаш

Казтуганнын коштасу себеби неде

Айдана

Осы толғау бойынша өз ойымызды және қорыта келе деп жазу керек калай жазсам болады

Мадина

Маған ұнады ... Оте жаксы ♥♥♥

Жәке

Еділді алса - елді алар,
Енді алмаған не қалар?
Жайықты алса - жанды алар,
Жанды алған соң не қалар?
Ойылды алса - ойды алар,
Ойлашы, сонда не қалар?
Қара мауыты мұшақат
Бүтін тоғай жерді алар.
Жаз кіреге жақсы деп,
Дулығалы нарды алар,
Қыс кіреге жақсы деп,
Шудасы қалың айырды алар.
Сусынына шай алар,
Шайнауына май алар.
аллитерация мен ассонансты тауып берыныздершы

Димаш

Керемет сайт

Темирлан

Маган осы олен туралы метафора тауып беринизши

Бiрханым

Маган осыдан психологиялык параллилизм тауып берыныздершы

Саяжан

Қастуғанның қонысымен қоштасуының себебі неде? Біліп беріңіздерші өтініш.

Айдана

Ольга неге атаконысынан кетты

Инжу

Себебі Қазтуғаннын тұрған жеріне əрдайым шабуыл жасаған жəне АуызыТүкті Кəпірлер (орыстар)дың жеріміздің алып алғанын айтып тұр.Олар бізге қарағанда мықты екенің күйініп жырлады

Назым

Қазтуғанның қонысымен қоштасу себебі неде? екендігін айтып пере аласылбек?

Айгерым

Маган үнады.Бірақ Қазтуған қонысымен қоштасу себабі неде екендігін айта аласыздарма?

айжан

Маған Қазтуғанның өз жерімен неге қаштасқанын айтып жберіңіздерші өтініш

Аида

Қазтуғанның қатысуымен қоштасу себебі неде кім біледі екен

Махаббат

Айтыңыздаршы өтініш

Тимур

Өлеңді оқысаңдаршы, түсінетін шығарсыңдар

Айлин

Инжудын айтканы казтуганнын конысымен коштасуынын себеби
ма?

Балжан

Казтуганнын конысымен коштасуынын себеби недеп?

Алма

Инжу дұрыс жазған сияқты қоштасудың себептерін

Эльзира

Казтуганнын конысымен коштасу себеби неде тез керек срочно дал казир

ГУЛНАР

Жырды оқысаңдаршы қазақша түсінбейсіңдер ма

Жанель

Інжудікі 100% дурыс

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)