Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Аға ақын алдында

Айтқали Нәріков‎

Аға ақын алдында

  • 26.11.2015
  • 0
  • 0
  • 1963
Сен - бәйтерек, інің бұл - балғын құрақ,
Бір жаңа әуен жақында алдым құрап.
Өнер деген бәйге ғой, ал бәйгенің,
Әрқашан да арты шаң, алды жырақ.
Сынай қарап жүрсің-ау шабысыма,
Кем қуанбай өзімнен табысыма.
Мен шаң қауып, қатардан қалып қойсам,
Кетесің-ау күйіп сен намысыңа!
Шыбын жанға күндіз-түн бермей тыным,
Терлейтұғын шақ келді, өрлейтұғын.
Жалын барда жүректе лапылдайын,
Қайта айналып жастық шақ келмейтұғын.
Елден бұрын жайым жоқ тұрмасыма,
(Табандылық жетпеді бір басыма).
Күндіз кеңсе, ал түнде отырамын,
Дәптеріме түсіріп жырды асыға.
Әр жаңа таң кеудеме құяды ағын,
Саусақтағы сүрткізбей сия дағын.
Жаңа жырға қоймасам соңғы нүкте,
Көрінуге көшеде ұяламын.

Айтқали Нәріков‎ Аға ақын алдында Айтқали Нәріков‎ өлеңдері

Пікірлер (0)

Пікір қалдырыңыз

Өлең маған өкпелі...

  • 0
  • 0

Белгісіз ғой енді қанша тұрмағым,
Жетті, жетті осы сайран құрғаным.
Өспеген соң жаңа гүлдер, жас гүлдер,
Солғын тартып бара жатыр жыр-бағым.

Толық

Ақтөбе

  • 0
  • 1

Ақындай оқитұғын жатқа өлеңін,
Даусымды көптен бері баптап едім.
Бұлбұлым көмейдегі ән салды ғой,
Төбесі көрінгенде Ақтөбенің.

Толық

Егінжай

  • 0
  • 0

Егіннің ырыс сыйлар бай танабы,
Самалмен жайлап қана жайқалады.
Елестеп көз алдымда тay-тay астық,
Көңілім молшылықтан жай табады.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер