ozgetil.kz

Әпкеге тілек (сіңлі тілегі)

  • admin
  • 28.11.2015
  • 1
  • 20
  • 65475
Демейміз күн күңгірт боп, таң адасты,
Сонда да, әпке, шаттық, мұң араласты.
Біздің үйден басталған бір соқпақ жол
Сені бізден бақытқа ала қашты.

Ала қашты, қайтейік, шаттығыңа,
Ұзатып салды өзіңді бақ қырына.
Қарамайды екен-ау қыз бақыты
Босағаның бөгделік, жаттығына.

Бұйыртқан содан қыздың несібесін,
Елемесең, өмірден кешігесің.
Ілестің сен де, әпке, бүгін, міне,
Сол бақыттың мәңгілік көшіне шын.

Ілес, әпке, соңыңа қарамағын,
Сонда ырғақты, бақытты болады әнің.
Түтіні түзу ұшқан өз үйіңде
Желбіреп жүреді енді орамалың.

Қалдырып қимас сәтін қыз күніңнің,
Толқытып, артқа тастап бізді бүгін.
Барасың, әпке, асығып бақытыңа,
Жар болу дегендей-ақ ізгі ұғым.

Барасың іштегі бір қозғап үнді,
Тойыңда тілекшіден сөз де ағылды.
Сағынып жүресің-ау енді, әпке,
Куәсі қыз күніңнің - өз бағыңды.

Белгілі босағаңды бағаларың,
Жарыңмен тату болсын араларың.
Сол бағың - сүйген жардың шаңырағы,
Таққан соң келіндіктің орамалын.

Жұбайлық жолдың солай ізгі өрнегі,
Ойлаттың бақыт жайлы бізге әрнені.
Сол баққа соқпақ салар әрбір қыздың
Тұтамдай екен, әпке, қыз-дәурені.

Білемін, әпке, өзің де бағаландың,
Бақ жолын жүрегіңмен қалап алдың.
Аттайсың енді өзге босағаны,
Сезесің қасиетін орамалдың.

Бағыңа өмір дейтін қосады ағын,
Мінсіз боп тұрсын әрбір жасағаның.
Сенемін, әпке, саған, өзің аттар
Ұғасың қасиетін босағаның.

Тілекші саған, әпке, бәрі бүгін,
Қарсы алар бақытпенен таңы гүлін.
Шақырды сол таңыңа қыз соқпағың,
Ендігі түсінер деп жар ұғымын.

Сің, әпке, сол жұртыңа бағалан да,
Өмірдің жаман жағын қалап алма.
Сыйлай біл келіндіктің қасиетін,
Қастерлеп түйген бақыт-орамалға.

Десе де жылды - сынақ, уақытты - сын,
Шын сезім өз бақытын татыпты шын.
Өмірде қол ұстасқан сүйген жармен
Әпке, сен, шынында да, бақыттысың!

Қарамай пенде-ғұмыр күйбеңіне,
Барасың өзің қалап сүйгеніңе.
Бақ қонсын, бақыт қонсын әрдайым да
Сендердің шаттық толы үйлеріңе.

Бойжеттің, ақыл - серік, адаспадың,
Ұнайды сүйгеніңмен жарасқаның.
Сіңлің тілейді енді өздеріңе
Осынау соқпақ-жолдың бақ ашқанын.

Сендер жақ болсын бақыт, бақ алаңы,
Жұлдызың жоғарылап барады әлі.
Құт болсын өмір бойы, әпке, саған
Сен таққан бақытыңның орамалы!

Басқа да өлеңдері

Өз тілінің болғаны қандай жақсы...

  • 0
  • 0

Шексе де азап, жатса да ол көріп те мұң,
Қасиетіне қашанда сеніпті елім.
Өз тілімнің бағасын ұлық көрем,
Өзге тілді емес ол кеміткенім.

Толық

Мәдениетті қолдау жылы

  • 0
  • 0

Өмірдің көп екен-ау бұралаңы,
Осы еді тақырып қып құрағаны.
1910 жыл – алғаш рет
Өмірге келді қазақ романы.

Толық

Қожабақы мектебі

  • 0
  • 1

Бойында ұлылықтың жатқан ізі,
Келешек ғасырға да мақтан - ісі.
Шуақты, шежірелі тарихы бар
Мектебім - ауылымның мақтанышы.

Толық

Пікірлер (20)

berik258

Әдемі! yes

тилекши

тате иуралы олен

багытжан айсана

кешириниздыер бирак маган тек апке турал керек

Манат

Гылым макал мател

Акон

өтініш әпке туралы ән тауып беріңіздерші,

Айнагүл

Саламатсыз ба? Өтініш апа--езде туралы көпте емес аз да емес өлең шығарып беріңізші. Апа жездемнң аттары аталатын руы аталатын өлең

Айтқұл Аяулым

әпкеме тақпақ

Арука Мақсұт

ооооййййййййй мынау ұзатылып бара жатқан әпкеге ғооой
ал маған мектеп оқитын әпкеме керек едііііі
шығарып бере аласыздар ма?

Перизат

жақсы жазылған

Зинеп

Жаксы жазылган бірақ маған тек әпке туралы керек ет шыгарып бере аласыздарма

Берік

Алты әпке,және екі ағама арналған 5,6 шумақ өлең керек еди

Дана

апкемнин тойына олен керек еди 8-жастағы иниме

макпал

Жаксы екен

Қазына Асқарқызы

Өтініш маған әпке туралы 3 шумақ өлең жіберіңдерші

алихан

керемет

жания

әпке туралы 10шумақ өлең шығарып беріңізші

акмарал

маган тате ага туралы олең шығарып берыңыздерші

Айзат

керемет маған ұнады.

Айнур

Маган ата-анама алғыс билдиретиндей олен шумагы керек еди... 16#20 жол

Аида

Керемет

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)