Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Мансаптың буы

Мәнсаптың буы

Әй бауырым,осы күнде досың көп,
Дос болады бейтаныс жан тосын кеп.
Бірге туған туысыңдай елжіреп,
Жүретұғын жөн-жоралғы жосын көп.

Мақтау айтса бәрі сені білгір деп,
Масаттанба алтын балық ілдім деп.
Жағаңдағы қырау еріп кеткен күн,
Достарыңда бытырайды бір-бірлеп.

Өзіңді-өзің сергітпесең қатайып,
Тымаудан да жазылмайсың сақайып.
Мансап деген уы күшті ішімдік,
Байқамасаң тез кетесің масайып.

Нағыз білгір артық қадам баспайды,
Сабыр сақтап асықпайды,саспайды.
Аңғармасаң аңғалаған көп мақтау,
Адамдықтан алыстатып тастайды.

Жетегіне ере берсең ерленіп,
Жақыныңа жау қылады пенделік.
Аттан түсіп қалған күні жаяулап,
Шөл далада қалып жүрме сенделіп.

Басқа да өлеңдері

Қан кешіп жүріп жеткен күн

  • 0
  • 0

Құлақты жарып жаңғырған,
Мұң зарын тыңдап кекті үннің.
Дастандар оқып таңғы ұрған ,
Қазақтың жайын көп білдім.

Толық

Азамат деген ардақты ат

  • 0
  • 2

Қалмаса жолда үміті елдің ақталмай,
Алқалар халқың шыдасаң өзің мақтанбай.
Ілтипат етіп ісіңе сенің сүйініп,
Ардақтап айтса азамат деген ат қандай.

Толық

Анама

  • 1
  • 0

Анам саған жыр жазармын әлі көп,
Тұрса егер қаламымның әлі кеп.
Сен туралы ой толғасам тұрады,
Таңдайыма ақ сүтіңнің дəмі кеп.

Толық

Пікірлер (5)

Kanat93

Пікір қалдырыңыздар

Дарига

Мәнсаптың буы жаман, оған алданған адам ақымақ

Айдын

бауырым,осы,асықпайды,саспайды осылай үтірмен сөздерді жабыстырып жазу сауатсыздық емес пе?

Kanat93

Рахмет пікірелеріңізге. Қателіктер болса кешірім сұраймын. Түзетуге тырысам

Gulbanu

Осындай отты өлеңдеріңіз көбейе берсін

Пікір қалдырыңыз

Серіктестер

Загрузка...