Өмір деген
Өмір деген - тоқтығы емес қарынның,Өмір деген - адалдығы арыңның.
Саған тілер жалғыз менің тілегім,
Қадірін біл қолыңдағы барыңның.
Өмір деген - жылау емес түнімен,
Өмір деген - жақсы көру шынымен.
Шын бақытты болғың келсе өмірде,
Иманды бол бар Алланың құлымен.
Өмір деген - мен тірімін адаммын,
Өмір деген - саған шаттық маған мұң.
Бес күн жалған марғау тірлік ішінде,
Бақыт деген - бір күлкісі Анаңның.
Өмір деген - түзете алу қатеңді,
Бақыт деген - көру емес жат елді.
Мейірімге құшырлана қана алмай,
Бақыт деген - бір құшақтау Әкеңді.
Қадірін ұқ қара бақыр тыйынның,
Маңызды емес қымбаттығы киімнің.
Қорғаны жоқ жетімдер көп жалғанда,
Бақыт деген - бар болғаны үйіңнің.
Бақыт бізбен санаспайды десекте..
Бақыт құнын өзің онда есепте..
Бақыт деген - орын алу жүректен,
Бақыт деген - жату емес төсекте.
Сезім деген - тәтті кейде қатал - ақ,
Сенім деген - сену емес жата ғап.
Сенімменен сезім мықты үйлессе,
Мәңгілікке туды дей бер махаббат.
Достық деген - қаңғу емес көшеде,
Доспен бірге көгереді көсеге.
Достық деген - ішу емес арақты,
Шын дос болсаң мерейін бір еселе.
Өмір сүру - сезу өмір шаттығын,
Көре білу қараныңда ақтығын.
Өмір деген - отау тігіп үйленіп,
Өмір деген - есту бала тәтті үнін.
Авторы: Нұрбек Бекұлы
Пікірлер (3)
Пікір қалдырыңыз
Қарап көріңіз
Басқа да жазбалар
Пікірлер
-
Каусар
Өте керемет -
Ок
Ок -
Әсел Айша
Өте ақылдымыз -
Динара
Шынымен де әдемі мектеп екен
Сымбат
Мағыналы!
Айжан
Керемет
Акбота
Өте керемет! Мағынасы терең.