Сұрақ

Білесің бе?
Бар сұрақтың жауабы бойыңда екен,
Бұл өзі табиғаттың сыны ма екен?
Қасиеті өміріңнің ойыңда екен,
Ал, тілің сөз бен ойдың құлы екен.

Әр сөзіңде магниттің күші бар,
Сені тартар табылмаса егесі.
Өз ойыңмен кейде көңілің тұщынар,
Жүрегіңді ауыртады жебесі.

Қашандағы ақ жол тіле Алладан,
Адастырар ой түбі терең екен.
Бұл ғұмырды мәңгілікке жалғаған,
Миға да дұрыс азық керек екен.

Кей адам бұл өмірге өзгеше,
Көзімен қарайды екен өзгенің.
Қажеті не өз ойымен сезбе,
Өзге оймен бар дүниені кезбегін.

Өмірде өз-өзін сыйламаған,
Білмейді Жақсылықтың не екенін?
Қаншалықты тірлікте қиналса адам,
Өзгенің қабылдамас құр жетегін.

Сыртқы дүние ішіне сай болмаса,
Өмірдің бар жолдары жабық болар.
Әр ойына жақсылық айналмаса,
Өзінің тура жолын таппайды олар.

Түсінгенге бұл өмір күреспен тең,
Жеңіске әділеттік жетелеген.
Өмірдің сынағынан сүрінбеген,
Арман мен мақсатына жетеді екен.

Басқа да өлеңдері

ЖЕР КІНДІГІ

  • 0
  • 0

Бақыт құсы ұялаған бір керім,
Кімдер өтіп, кім баспады бұл жерін?!
Жер бетінде жалғыз ғана жұмақ бар,
Самалменен тербеткен сан гүлдерін.

Толық

ЖАҚСЫ МЕН ЖАМАН

  • 0
  • 0

Жақсы, Жаман - қасиет екі түрлі,
Әр адамның бойынан қалмайды екен.
Қызметтері екі түрлі болса да,
Тек біреуін өмірге таңдайды екен.

Толық

БАҚЫТТЫ ӨМІР, ОЛ - БҮГІН

  • 1
  • 0

Бақытты өмір, ол - бүгін,
Бірдей болған өң-түсің!
Ертеңгі күн - елес күн,
Көңілді өтсін бір күнің!

Толық

Пікірлер (0)

Пікір қалдырыңыз


nationalgeographic.kz
ҰБТ(онлайн тест)