Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Ішім өлген, сыртым сау

  • admin
  • 16.03.2015
  • 2
  • 2
  • 8620
Ішім өлген, сыртым сау,
Көрінгенге деймін-ау:
Бүгінгі дос - ертең жау,
Мен не қылдым, япырмау?!
Өз үйінде өзендей,
Күркірейді, айтса дау.
Кісі алдында кірбеңдеп,
Шабан, шардақ1 және шау2.
Мұндай ма едің ана күн,
Мұның қалай, батыр-ау?
Үш күн арқаң босаса,
Бола қалдың бас асау.
Жан қысылса, жайтаңдап,
Жанды еріткен жайдары-ау.
Жан жай тапса, сен неге
Жат мінезсің жабырқау?
Ұрлық пенен қулыққа,
Байлағанда, кестің бау.
Берерменде бесеусің,
Аларманда және алтау.
Топ болғанда көрерсің
Түрлі дауды жүз тарау.
Аяғында сендейлер,
Көрмей жүр ме қанталау?
Қайтып келер есікті,
Қатты серіппе, жарқын-ау!
Жетілсең де, жетсең де,
Керек күні бір бар-ау.

1 Дәрменсіз
2 Тосырқап, тоқырап қалу

Басқа да өлеңдері

Жүрегім, ойбай, соқпа енді!

  • 0
  • 0

Жүрегім, ойбай, соқпа енді!
Бола берме тым күлкі.
Көрмейсің бе, тоқта енді,
Кімге сенсең — сол шикі.

Толық

Мәз болады болысың

  • 1
  • 1

Мәз болады болысың,
Арқаға ұлық қаққанға,
Шелтірейтіп орысың,
Шенді шекпен жапқанға.

Толық

Тұтқындағы поляк жандаралының сөзі

  • 0
  • 0

Дүрілдеген нажағай,
Бұрқыраған жауынның
Ашылмағы бар ма басынан
Бағы қайтқан қауымның?

Толық


Пікірлер (2)

Нургул Сериккызы

Өте керемет.Мәнерлеп окуга катысатын едим жаксы болды го.Осы оленмен бас жулде алам деген умиттемин

Нургул Сериккызы

керемет

Пікір қалдырыңыз

Серіктестер

Загрузка...