Эссе және өлең-жыр байқауы

Тас шешей

  • admin
  • 23.03.2018
  • 0
  • 1
  • 1933
Жын қаққандай долданып,
Су жұлқына соғады.
Салдыр - гүлдір күркіреп,
Судан боран борады.
Қалбақтап қалақ бұлқынса,
Бұрқақтайды бораны.
Тас сырылдап айналып,
Бірін - бірі жонады.
Тас ұршықтың тесігі
Мамадан бидай сорады.
Суыра сорған бидайын
Шайнап, жұтып, обады.
Майда, малта мамық ұн
Тас толғақтан туады.
Сырғыта айдап ақ, ұнды
Кең шанаққа құяды.
Сабақта ине, дайындал,
Қарағым, қабын толады.
Бұрқылдақ ұн борасын
Бет - ауызға қонады.
Кірген кісі боз кемпір
Болады да қояды.
Бауырсақ, тоқаш, майшелпек
Әнеки әжең соғады.
Құймақ же ген кәрі атаң,
Кекіріп, қылды тобаны.
Күйік күлше - күлдемеш
Қойынға қойшы орады.
Жеген адам жетісті,
Нан екен бар болғаны.
Бітеуіңді уатқан,
Балаларды жұбатқан,
Кемпір - шалды қуантқан,
Тіршілік екен тиірмен,
Айырмай астық салалы...
Ағызып ағын төсінен,
Шайнап беріп өсірген,
Асыраған анаң кім?
Тас шешей сол болады.

Басқа да өлеңдері

Ауылдың алды

  • 1
  • 4

Ауылдың алды айдын көл,
Айдын көлде шағала,
Айдын көлді жағала
Айнала қонған қалың ел.

Толық

Сені

  • 0
  • 0

Мен шындап сүйгем жүрегімнен,
Күшейіп күндегі дерт күндегімнен.
Қарағам қабағыңа көңілің үшін,
Сыйлағам, қадіріңді біле білгем.

Толық

Жұмысқа

  • 0
  • 0

Ауылдан шыққан алтаумыз,
Аяндай басып келеміз.
Кейде атандай адымдап,
Аттай кейде желеміз.

Толық


Пікірлер (1)

Нұрай

Керемет!!!!!!! Алғысым шексіз!!

Пікір қалдырыңыз

Серіктестер

Жүктелуде...