Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Белсенділерге

  • admin
  • 24.03.2018
  • 0
  • 0
  • 1446
Жолдастар! Мен де өзіндей белсендімін,
Айтайын маған бір сөз берсең бүгін.
Қаңбақтай желді күнгі қалбаңдаумен,
Барады - ау, бастан асып мөлшерлі күн.
Кейде оңай, кейде қиын белсенділік,
Белсенділік - көпті ерту, ел сендіріп.
Боласың әрі кесем, әрі шешен,
Өтесіндер менше тұрып, менше жүріп.
Сөз сөйле, тіл біткенді бұзыңқырап,
Боза - ботқа докладты мыжыңқырап...
О күніңді жоям деп бақыра түс,
Күшеніп, «жасасынға» қызыңқырап.
Тезис жаз дүмбілездеу сырлаңқырап,
Кітап жаз одан - бұдан ұрлаңқырап.
Сирақтай шала үйтілген өлең жазып,
Оныңды енештей бер, бұлдаңқырап.
Молдадай әдеттенген мұқтасарға,
Марксті айт, білмесең де, оқтасаңда.
«Ленин көсем сүй деген» деп айта сал,
Лениннің не дегенін ұқпасаңда.
Мақалаң келмесе де бұ заманға,
Айдай бер, көкімылжың созалаңға.
Баспаса газеттерге азу басып,
Өкпелеп, өсек айтып, қызараңда.
«Айт» десе айқасып қал, білмесең де,
Құмарлан керіп, созып, сүйресерге.
Қасақана қаулыға қарсы болып,
Сал да отыр қыңыратқып бір кеселге.
Бұқараны бұқтырып мешеуірек,
Сылдыр сөзбен кісі бол «шешенірек».
Еңбекші көп етегін жинағанша,
Есірелік, қалғанша есеңгіреп.

Басқа да өлеңдері

Сәлемдеме

  • 1
  • 1

Сәлемдеме жастарға,
Зарым замандастарға.
Көкірекке ақыл, көзге ғибрат,
Жалыңды талап, жаңа үміт,

Толық

Арман

  • 1
  • 7

Мезгіл бар ма құтылар,
Шынжырлаулы тағдырдан?
Бірақ ой жоқ ұмтылар,
Табылар тағдыр дағдыдан.

Толық

Міне, менде арман жоқ

  • 0
  • 0

Мен қосылдым өзіңе,
Зарығып, сүйіп неше жыл.
Тоғыз жүз отыз екінші,
Жаңа өмірге кірген жыл.

Толық

Пікірлер (0)

Пікір қалдырыңыз

Серіктестер

Загрузка...