Өлең-жыр байқауы

Алдымда суретің тұр ойнаңдаған

  • admin
  • 12.07.2018
  • 0
  • 0
  • 637
А, жаным, жүр екенсің әлдеқайда?
Құйын ба, әлде көңілін, әлде жай ма?
Алысқа сенен ұзап жүріп кеттім,
Ойлаймын көрермін деп бірер айда...
* * *
Мінеки, мен келемін ұзын жолда...
Көк жасыл көркем сурет оңда, солда.
Көңілімді мұның бірі уламайды,
Ұзын жол, Мәскеу, Баку, Орынбор да.
***
Мінеки, келатқаным Қапказ жолы,
Пәселке, қалың ағаш, жері — соңы.
Бәріне зауқым жоқ, көңілім быж-тыж,
Сықылды табылмаған жүрек жолы.
* * *
Саяхат сияқты емес бұл жүрісім,
Болғаны дерт сияқты бір сен үшін.
Ташкенде қайтарымда көрсем деген
Сол енді бар үмітім, бар тынысым
* * *
Сағындым сені көрмей айдан бері
Жүдедім ойлай-ойлай жоқтап сені.
Бәрінен Тәшкен тартып тұрған сынды,
Асығып сол қалаға қайтам енді.
Кезінде келсем екен жайраңдаған,
Көзіңді көрсем екен жайнаңдаған.
Көз жанып, қос бетіңнен нұрың тамып.
Алдымда суретің тұр ойнаңдаған.

Басқа да өлеңдері

Фатимаға

  • 0
  • 0

Бұл — жүрегім жыры ғой,
Бұл — жүрегім сыры ғой,
Мұны оқыма, өтінішім:
Бұл жазылған мен үшін.

Толық

Малта

  • 0
  • 0

Құлыншақтай қу шұнақ,
Құйрық-жалсыз, сұр шұнақ.
Балаға берді апасы
Сұрша малта, жұмыршақ.

Толық

Әуре сый, көлденең сый...

  • 0
  • 1

Әуре сый, көлденең сый, өмірім сен,
Әуелде не үшін маған беріліп ең?
Сыры көп сұм тағдырдың бұйрығымен
Неліктен бұйырылдың өлімге сен?

Толық

Пікірлер (0)

Пікір қалдырыңыз

Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)