Эссе және өлең-жыр байқауы

Москва

  • admin
  • 22.07.2018
  • 0
  • 0
  • 490
Ақыл, ойым, жүрегім, тіл мен жағым!
Естір құлақ, көрер көз шамшырағым!
Саған, саған ұлы Отан астанасы,
Жүрегімнің түбінен жыр арнадым.
Мен де бүгін сенімен туған жанмын,
Кремльдің ішінде тұрған жанмын.
Қызыл алаң түбінде сан-сап болып,
Сарайында салтанат құрған жанмын.
Маған артық еш жер жоқ Москвадан,
Орыс, қазақ бір туыс —
Біз — Бір адам.
Сондықтан, қауіп төнген күндеріңде,
Бір сен үшін өлімге бас байлағам!
Міне отыз жыл күн болып енді жарық,
СССР - ға нұр текті Москва алып.
Қадірлес достарымен қауышпаққа
Кемпір-шалдар қайтады жылда барып.
Аспандай кең құшағын орыс жазып,
Махаббатын ұсынар жаныма азық.
Менің сонда иығыма ай орнайды,
Маңдайымда күлімдеп Темірқазық.
Қан тамырым секілді менің соққан —
Кремлім — советтік ер Москвам.
Сенің ыстық жүрегің анашымдай,
Анасының ақ жүзін қияр ма жан.
Күндей маған тамылжыр жүзің нұрлы,
Күнде көрсем тоймаймын сипатыңды,
Бере алмаспын бар әлем алтынына
Сенің асыл бір уыс топырағыңды.
Айтам қазақ атынан ұран салып!
Біздің Отан жүрегі Москва алып.
Соқсын дауыл, нажағай жарқылдасын,
Біз біргеміз — жандармыз москвалық.

Басқа да өлеңдері

Екі жігіт

  • 0
  • 0

Тым мәлімсіз бір жас жігіт
Шар айнаға тұрды қарап.
Кейде қолмен сипап жағын,
Кейде кейін шашын тарап.

Толық

Ленин атымен

  • 0
  • 0

Ышқына бір соқты боран қуырып,
Әлек салды жер өкпесін суырып.
Діріл қақты, қалшылдады дүние
Қыл тұзақта тұра қалды буынып...

Толық

Киров

  • 0
  • 0

Байтақ дала, асқар тау,
Сен тілсіз күш, сен мылқау.
ЬІзыңдама асау жел,
Ұйқыда емен мен ояу.

Толық


Пікірлер (0)

Пікір қалдырыңыз

Серіктестер

Жүктелуде...