Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Өткен жазда

Жұмағали Саин

Өткен жазда

  • 28.07.2018
  • 0
  • 0
  • 1115
Өткен жазда. қыз шахтермен танысты,
Сүйді қатты, шығарып сап, қыз қалды,
Сүйген жарын барлық жұрттан қызғанды,
Қимаса да кете алмады, ермеді.
Ақыл жеңді, жүрекке ерік бермеді.
Поезд кетті...
Арттан ұзақ қарады,
Алқынғандай тым жиі дем алады. ,
Қалшы, қал деп шақырғысы келеді,
Жаны өртте, жаспенен су себеді.
Жүрегімен доңғалақтар дүрсілі,
Бірге қақты, бір жүрісі, бір сыры.
Жүйрік сезім паровозбен жарысты,
Қыз бишара махаббатпен алысты..,
Кешікпеді қыз оқуға оралды,
Ұмыттырды сағынышты, азды-көп,
Бірақ жалын жүрегінде сөнген жоқ.
Жазды бұлар: бақыт санап, күн санап,
Хаттар ұшты жерменен де, көкпенен,
Сыр қалмады жүректерде текпеген,
Ол да жазды, бұл да жазды күн санап,
Кей мезгілдер ұйықтамады түн санап.

өткен жазда Жұмағали Саин өлеңдері

Пікірлер (0)

Пікір қалдырыңыз

Дала

  • 1
  • 1

Уа, дала, күнің күліп, түнің жылып,
Пердеңді бетіңдегі қойдың сырып,
Дәл бүгін сансыз еңбек төсің көрді,
Нешеме жыл ұрланған сырың біліп,

Толық

Қарындас

  • 0
  • 1

Жүзі гүлдей жайнаған,
Қарақат көзді қарындас.
Киіктей тауда ойнаған.
Сағымменен аралас

Толық

Түнде

  • 0
  • 0

Жауқазын жасау жер-ана,
Гүлденіп жұпар жағынып,
Үкілі жібек, бай мәнер,
Алқасын алға тағынып.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер