Өлеңдер бөлімі

Бір күніммен қоштастым

  • admin
  • 17.04.2015
  • 1
  • 3
  • 9383
Тағы, міне, қоштастым бір күніммен,
Қош айтыстым бір күнгі тірлігіммен.
Тоқтатып кер толассыз қозғалысты,
Түссең-дағы тәңірдің кіндігінен.
Айлар, жылдар, ғасырлар алға аттаған,
Алға аттады күнім де ардақтаған.
Мынау жарық әлеммен бірге айналып,
Заулап барам, бір күні аунап қалам.
Аунап қалам...
Білемін, білемін мен!
Ажыраймын жармасқан тірегімнен.
Қүлай білем,
Себебі, жүре білгем,
Құсым ұшса болғаны жүрегімнен.
Бір құсым бар кеудемде-зынданымда,
Бірге туған менімен, туғанымда.
Байғұсыма бостандық берсем болды,
Аунап кетпей әзірге тұрғанымда.

Басқа да өлеңдері

Аласарып Ай батқан

  • 1
  • 0

Аласарып Ай батқан,
Ай батқанда, аймаққа,
Жұлдыз шоғын жайнатқан.
Аумайды бір құс жолы,

Толық

Тарту

  • 1
  • 1

Жамбас пұл төлеп жатақта жүрген ақынбыз,
Жадырап келіп, жаңа үйге кіріп жатырмыз.
Әбекем қайда, Күнекем қайда, ойбай, тез,
Той жасап берем, тортыңды қой да, шақырғыз.

Толық

Алматының аспаны

  • 1
  • 6

Тал түсте,
Бозғыл деңгейде,
Шуағын жерге төккен Күн.
Жылымық қыста кей-кейде

Толық

Пікірлер (3)

Мырзатаев Жәнібек

Жаныма жақын жырлары, ақиық ақын Мұқаңның, оттарым сөнген кезінде өзінен от ап тұтандым.

Анара

Керемет өлеңдер!!!

Альмира

Өте əсерлі өлеңдер

Пікір қалдырыңыз

Серіктестер

Загрузка...