Эссе және өлең-жыр байқауы

Балкондағы гүл мұңы

  • admin
  • 23.08.2018
  • 0
  • 0
  • 1365
Қалайша қырда өскен боп түс көрмейін,
Қалайша оянғанда тістенбейін.
Таңғы нұрға тапшы екен батыс балкон,
Күннің нұры түседі түстен кейін.
Далада жайқалуға жаралмаған
Жаныма таңның нұры таралмаған.
Шығыстан соққан самал,
сұранамын,
Түн ішінде оңаша орал маған!
Қара жерден жайқала,
шаншыла әрі
Шыға алмадым.
Айналам — әнші бәрі.
Тыңайтқышты топырақ —
мекенімде
Билемеді жаңбырдың тамшылары.
Айтылмады әңгімем желге менің.
Жапырағым жетпеді жерге менің.
Жағадағы қайықтай балкондарда
Жалғыздықтан қалтырап, тербелемін.
О, адамдар!
Сәулесін бетіме Күн
Түсірмейді.
Солды енді от реңім.
ұрығымды жиып ап осы күзде
Кең далаға шашыңдар,
Өтінемін!

Басқа да өлеңдері

Көше

  • 0
  • 0

Көше — толқын, айналған қатты ағысқа,
Табылғандай таныс та, жат дауыс та.
Біреу түсіп келеді "Волгасынан"
Біреу мініп жатқанда автобусқа.

Толық

Азан

  • 0
  • 0

Шам қаласы. Ояндым таң алдында.
Таң алдында бөленді санам нұрға.
Ғарыш жақтан ғажап саз құйылып тұр!
Құдірет бары білінді маған мұнда.

Толық

Көршілер

  • 0
  • 0

Басталар таң сәріден дарқан нәсіп,
Өмірді сүйгендерге өлкем ғашық.
Тау жаққа, саяжайға ертелетіп,
Көктемде шығасыздар көркем басып

Толық


Пікірлер (0)

Пікір қалдырыңыз

Серіктестер

Жүктелуде...