Өлең-жыр байқауы

Бәрібір сүйемін көктемді...

  • admin
  • 07.09.2018
  • 0
  • 0
  • 456
Білсе де білмеген сыңайлы,
Мына күз халімді сұрайды.
Ренжісең ренжи бер, қоңыр күз
Маған тек гүл көктем ұнайды.

Көрсе де көрмеген тәрізді
Қоңыр жел аңдиды әр ізді.
Шаттанып шырқаман... себебі
Көктеммен келеді ән ізгі.

Суықты сүйсең де сен мейлі,
Мен қысты өткергім келмейді.
Себебі ақша қар жанымды
Ақ тоңның астына жерлейді.

Жыр қылып қар басқан бақтарды
Жаза бер, жолдай бер хаттарды.
Бәрібір оларды оқыман,
Сүймеймін себебі... ақ қарды.

Қыс келсе салатын күйгелең
Нелікетен түстім бұл күйге мен,
Шыршаңды сәндеме бәрібір
Мен оны айланып билемен.

Жанымды ақ ұлпа қар басты,
Ұлпалар ұлпаға жалғасты.
Мендегі сезімді оятсын
Тек қана бәйшешек алғашқы.

Мың мәрте шырқасаң өлеңді,
Жібіте алмассың денемді,
Тырнаның көктемгі әнімен,
Оралам өмірге мен енді.

Сары күз жасыңды төкпе енді,
Ақ қысым, айта бер өкпеңді.
Мен сондай қырсықтау жан едім.
Сүйетін тек қана КӨКТЕМДІ!!!

Басқа да өлеңдері

Шыдамдымын, бұл шыдамым бір күні

  • 0
  • 0

Шыдамдымын, бұл шыдамым бір күні
Таусылады аяқ асты, біл мұны.
Шыдамдының шыдамымен ойнасаң
Талқан етер бүкіл әлем күлліні.

Толық

Бала махаббат (Әзіл өлең)

  • 0
  • 0

— Кім сені ренжітті, балақай?
— Қалақай.
— Қалақайды қайдан іздеп таптың тағы?
— Анооуу, кепенің артындағы.

Толық

Арды тыйып

  • 0
  • 1

Арды тыйып,
Малды жиып
Көкіректі кең кердің.
Күнде жиын

Толық

Пікірлер (0)

Пікір қалдырыңыз