Бөстегiм құтылдың, ба Көтiбақтан
- 0
- 0
Бөстегiм құтылдың, ба Көтiбақтан?
“Күйшiл” деп бабын бiлмей кiнә таққан
Құл табан, кескiл тұмсық Бөстекбайым,
Кiсiге бос берермiн бiр мiн тапқан.
Біреудің кісісі өлсе, қаралы ол
Біреудің кісісі өлсе, қаралы - ол,Қаза көрген жүрегі жаралы – ол.
Көзінің жасын тыймай жылап жүріп,
Зарланып неге әнге салады ол?
Күйеу келтір, қыз ұзат, тойыңды қыл,
Қыз таныстыр – қызыққа жұрт ыржаңшыл.
Қынаменде, жар-жар мен беташар бар,
Өлеңсіз солар қызық бола ма гүл?
Бала туса, күзетер шілдехана,
Олар да өлең айтар шулап жаңа.
Бұрынғы жақсылардан өрнек қалған,
Биде тақпақ, мақал бар, байқап қара.
Туғанда дүние есігін ашады өлең,
Өлеңмен жер қойнына кірер денең.
Өмірдегі қызығың бәрі өлеңмен,
Ойлансаңшы бос қақпай елең-селең.
Өлеңді айтпақ түгіл, ұға алмайсың,
Айтсаң да үддасынан шыға алмайсың.
Сен білмейді екен деп айтпасын ба,
Неге мұнша сіресіп құп алмайсың?
Өлең деген - әр сөздің ұнасымы,
Сөз қосарлық, орайлы жарасымы.
Сөзі тәтті, мағынасы түзу келсе,
Оған кімнің ұнасар таласуы?
Қарны тоқ қас надан ұқпас сөзді,
Сөзді ұғар, көкірегі болса көзді.
Қадірін жақсы сөздің білер жанға
Таппай айтпа оған да айтар кезді.
Сый дәметпе, берсе алма еш адамнан,
Нең кетеді жақсы өлең сөз айтқаннан?
Сүйенерлік адамды құрмет қыл,
Аулақ бол әнін сатып нәрсе алғаннан.
Көп топта сөз танырлық кісі де аз-ақ,
Ондай жерде сөз айтып болма мазақ.
Біреуі олай, біреуі бұлай қарап,
Түгел сөзді тыңдауға жоқ қой қазақ.
Шортанбай, Дулат пенен Бұқар жырау,
Өлеңі бірі – жамау, бірі – құрау.
Әттең дүние–ай, сөз таныр кісі болса,
Кемшілігі әр жерде–ақ көрініп тұр–ау.
Мақсұтым - тіл ұстартып, өнер шашпақ,
Наданның көңілін қойып, көзін ашпақ.
Үлгі алсын деймін ойлы жас жігіттер,
Думан–сауық ойда жоқ әуел баста–ақ.
Пікірлер (8)
Пікір қалдырыңыз
Заман ақыр жастары
- 1
- 33
Заман ақыр жастары,
Қосылмас ешбір бастары.
Біріне бірі қастыққа
Қойнына тыққан тастары.
Қарап көріңіз
Басқа да жазбалар
Пікірлер
-
Айша
өте жақсы екен -
Даулет
Өте керемет -
Ибраһим
Пах шіркін! Керемет!!!
Нұрсыйла Жаңабаева
Өте күшті.Білім алып жатырмын
айым оразалы
окымысты болдым
айша
керемет абай атамды пір тұтамын
керемет
үлгі аламын
Əсем
Өте жақсы
Ербосын
Рахмет
Әбіләз
Абай Құнанбайұлының Біреудің кісісі өлсе, қаралы ол өлеңі қатты ұнады