Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Құлжа

Қадыр Мырза Әли

Құлжа

  • 27.04.2019
  • 0
  • 0
  • 2525
Тағдыр жазса —
Талайлардың олжасы.
Тайып кетсе,
Тасқа тамар мол жасы.
Төрт тұяғын түйме тасқа сыйғызып,
Тау басында тұр арқардың құлжасы.
Қой емес ол еті үйренген көгенге,
Жүрегі оның сыймайды бір тегенге.
Құз-қияда
Қарамайды жоғары,
Қарайды ол жоғарыдан төменге.
Екі қанат сияқты оған екі өкпе,
Желдің өзі жарамайды жетекке.
Қайта-қайта қарайды ол бірақ та
Бір ғажабы —
Биікке емес —
Етекке!
Қалқан қылып сақтық деген сауытты,
Қызығын ол тау басынан тауыпты.
Биік үшін жаратылған жануар,
Тек төменнен күтеді екен қауіпті!

Қадыр Мырза Әли құлжа Қадыр Мырза Әли өлеңдері

Пікірлер (0)

Пікір қалдырыңыз

Қайтіп келем?

  • 0
  • 0

Қырдан төмен ағып келем,
Қыраудан гүл тағып келем.
Қалтарыста қалт-қалт етіп,
Кездескенді қағып келем.

Толық

Дала дастарханы

  • 0
  • 4

Жолдастарға
Достарға
Қажеті жоқ дауыңның.
Қонаққұмар дастарқан

Толық

Тамды аруы

  • 0
  • 0

Жамалың жас көктемнің жамалындай,.
Жүрегің махаббаттың қамалындай.
Тамдының тамылжыған әнші аруы,
Лебізің таңның уыз самалындай, еркем-ай.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер