Сояудай әр тырнағы,
Шөпті жияр қырдағы.
Басы — қылыш нұсқасы,
Сабында бар тұтқасы.
Қылышты өткір шайқадым,
Қырдың шашын жайпадым.
Көп-ақ тісі,
Күні бойы шөп жесе де
Шықпайды іші.
Айға ұқсас түрі бар,
Қатар өскен бірі бар.
Алақандай жоным бар,
Үстіне сап соғыңдар,
Жалыннан ап шалқыған,
Сом темірді балқыған.
Қалпақты шымырды,
Төбесінен ұрады.
Түзетуге қыңырды,
Дәйім дайын тұрады.
Басы — құрыш,
Сабы — шырыш.
Үшкір қазық,
Дөңгелек қалпақты,
Біріктірер бөлекті.
Аяғы үшкір,
Басы доғал.
Ұрсаң шөгеді,
Ұрмасаң обал.
Есіктегі құлыпқа,
Ұя жасау — өнерім.
Шаңырақтан уыққа
Үңгір қазып беремін.
Болат түкті,
Көсеу мықты.
Тозаңдатып,
Темірді үкті.
Кедір-бұдыр тақтайды,
Тегістейді тілімен,
Жеген асын татпайды,
Шығар желке Түбінен.
Табанында тілі,
Жалап өткен жерінің,
Болмайды міні.
Сабы бар жұмыр,
Еріні мықты.
Шегені шымыр,
Суырып шықты.
Мойны жар бермей,
Желкеден қыса бастайды,
Жөнге жүрместі,
Сереңдетіп жұлып тастайды.
Күші білінбес жүзінен,
Қақ бөлінер әйнегің,
Сызып өткен ізінен.
Ағаш көрсе қышынар,
Сояу-сояу тісі бар.
Маржан тісі ақсиып,
Ызылдап ән шырқады.
Көк тіреген қақшиып,
Қарағайды қырқады.
Қарасаң,
Жай зат сияқты күші кем,
Бірақ та,
Бүтінді қақ бөледі тісімен.
- Габриэль Гарсиа Маркес
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі