Эссе және өлең-жыр байқауы

Шаруашылық құралдары


Жалпақ бетті батыр,
Белін буып жатыр.

Сыпырғыш



Жүзімен жарамын,
Шүйдесімен қағамын.

Балта



Жүзімен жарамын,
Шүйдесімен қағамын.

Балта



Бір жансыз табылады адамзаттан,
Іні бар жырақ қана кіріп жатқан.
Арқасы інге кірсе көрінбейді,
Ғажайып іс табылар осы заттан.

Пышақ



Алдын айпар,
Жанын жайпар.

Шалғы



Дүниеде бір құжыра көресің бе?
Жалғыз көзі көрінер төбесінде.
Өзіне барған мақлұқ құр қайтпайды,
Жаны жоқ қимылдауға денесінде.

Құдықтан су алу



Бақ ішінде жылан жатыр,
Айналасын шылап жатыр.

Шланг



Ағаш арық, тұйық арық:
Жылқылар жүр жиі барып.

Науа



Қара жерді қопарған,
Трактордан от алған.
Темірлерден түйілген.
Болаттардан иілген.

Соқа



Ескегі бар -
Жүзбейді,
Ұшудан үміт үзбейді.

Жел диірмен



Бір сүйем ғана ұсқыны,
Елпектетер күштіні.
Бір-екі құлаш бауы бар,
Не екенін табыңдар?!

Мұрындық, бұйда, бас жіп



Еңкеймесе екі бетін кір басар,
Еңбектенсе екі беті нұр шашар.

Кетпен



Бүйірі тесік жолмен,
Биікке шықтым.

Саты



Албыр-жалбыр бір тамыр.

Көген



Қолы төрт, аяғы екеу, белі бір кез,
Ешнәрсе оған тура келмейді кез.
Қолына түскен жанды жібермейді,
Оншама кетпейді де, жүгіріп тез.

Шідер



Пышақ емес, біз емес, кетпен емес,
Шот емес, темір емес, сабы бар.
Саптағанның жаны бар,
Тұтамнан асқан сабында,
Жалғыз-ақ бау табылар.

Бұйда



Барады да барады,
Теңгедей жерді алады.

Таяқ



Бойы түйедей,
Ізі түймедей.

Таяқ



Басқан жері бармақтай,
Аттаған жері атандай.

Таяқ



Бір нәрсе иілмейді күйеу дейін,
Болады қанша жанға сүйеу дейін.
Бармақтай басқан ізі сол хайуанның,
Басады аттап-аттап түйе дейін.

Таяқ