Кіру Тіркелу
Өлең, жыр, ақындар
  1. Негізгі бет
  2. Жұмбақтар


Қар борайды тербесең,
Ұстап көрші сенбесең.

Елеуіш


Астына шоқ қаладым,
Үстiне шоқ қаладым,
Iшiнде пiсер тамағым.

Таба


Қалтамда жатыр тісі бар,
Тістемей-ақ істер ісі бар.

Тарақ


Орана бередi, орана бередi,
Оранған сайын көлемi молая бередi..

Жiп орамы


Адасқанда ал қолыңа,
Бағыт берер ол жолыңа.

Компас


Шiк түстi,
Бүк түстi.
Алшы тұрды,
Тəйке тұрды,
Омпа тұрды.
Шеше алады
Ал кiм мұны?

Асық


Күмбірлетіп тау ішін,
Қайталанды дауысым.

Жаңғырық


Дауысынды қайталап жырақта,
Айнытпай жеткізер құлаққа.

Жаңғырық


Айтқаныңды айнытпайды,
Қайталайды өзіне.
Тіл қатқанмен қаймықпай,
Көрінбейді көзіне.

Жаңғырық


Зулап түсiп төменге,
Шықпас менсiз төбеге.

Шана


Жеке өзiн жей алмайсың,
Онсыз асты да аузыңа салмайсың.

Тұз


Iшiн желмен толтырдым,
Қуалап жүрiп болдырдым.

Доп


Табанға тақтым,
Жалпаң қақтым,
Зырлап бақтым.(Коньки)

Коньки


Төгiлiп жерге ақ моншақ,
Ғайып болды сол шақта-ақ.

Бұршақ


Су көтерiп жүрiп келем,
Өзiм бiреуге мiнiп келем.

Иiнағаш


Көлден ұшты жеті қаз,
Қайтып қонды екі қаз.
Қонбады оның нешеуі,
Қане, кім тез шешеді?

5


Буыршын мен атан бар,
Тайлағым мен ботам бар.
Үш інгенге иемін:
Санын айтшы түйенің?

7


Алдында үш балапан,
Артында үш балапан.
Ақ тауық пен балапан
Айтшы санын, балақан.

8


Жетпісті қуып жетем десең,
Мөлшерлеудің жөні бұл.
Жетіні қанша еселесең,
Жетесің?
Соны біл!

Он есе


Алпыс ала қарға,
Қырық қара қарға,
Таласты жемге
Жатқан ақ қарда.
Ала қарғалар ала қашады.
Қара қарғалар алдын тосады.
Қайта айналып жерге қонады.
Барлығын қоссаң, қанша болады?

100 қарға

Жаңалықтар

Жұмбақ бөлімдері

Нақыл сөздер

Пікірлер