ozgetil.kz

Жұмбақтар


Қабат-қабат киінген
Төбеден шашы түйілген.
Жеп көріп едім өзінен
Жас шығарды көзімнен.

Пияз



Тоңғақты таниды,
Беті — қолын қариды.

Аяз



Таусылмайтын ақ мақта,
Қысы — жазы тау жақта.

Қар



Панданы табыңыздар.

Жауабы жақында болады. Пікірге жазыңыздар)



Математикалық әрі логикалық есеп. Ойланып, тауып көріңіздер)

Жауабы: 1



Көзге көрінгенмен,
Ұстасақ қолға тимейді.

Бу



Өзі судан жаралған,
Бірақ судан қорқады.

Мұз



Жылт – жылт етеді
Жылғалардан өтеді

Су



Мен сұйықпын да, мұзбын да,
Тамшысымын жаңбырдың.
Оюланған қыраумын,
Жылымын да, салқынмын.
Шөлдесең кеуіп кенегең,
Мейіріңді қандырдым.
Сыйлаймын мен тазалық,
Рақат беріп денеңе,
Айта қойшы бұл не?

Су



Қамыс құлақ,
Тостаған тұяқ
Мінсең – қанат
Сүті – дәрі,
Еті – тамақ.

Жылқы



Айран берген, құрт берген,
Шелек-шелек сүт берген,
Айтыңдаршы балалар,
Бұл қандай мал, кім білген?

Сиыр



Тілі былдыр, үні сылдыр.

Жаңбыр



Бүріп қойған сағаттай,
Айқайлайды таң атпай.

Әтеш



Ұшқаны қызық жалпылдап,
Өзі сондай қарқылдақ.

Қарға



Ізі бар, адымы жоқ аяғының,
Тимейді ұшы жерге таяғының.
Хайуанға екі аяғын арта салып,
Келеді әнін шырқап баяғының.

Арба, дөңгелек, дәрте, дауыс



Табаныма байладым,
Қос таяқпен айдадым.

Шаңғы



Темір де, ағаш та емес,
Ыдыс, су құяды.
Шөлдерде қатады ес,
Мол су сияды.

Тұлып, мес



Теріден қуыстап,
Аузына ағаш сап қайыған.
Қарашы дұрыстап,
Іші толған сайман.

Талыс



Төрт сирақты таған,
Төрден орын алған.
Қаншама дүние үстінде,
Күшіне қайран қалам.

Жүк аяқ



Қос құлақты ыдыс,
Тоқылады жүннен.
Ақ дәм, азық, дән салып,
Бабалар артып жүрген.

Қап, дағар







nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)