Эссе және өлең-жыр байқауы

Жұмбақтар


Оным отызға бердi,
Отызым ылпыңға бердi.
Ылпың жылпыңға бердi
Жылпың жылжыта бердi.

Тамақ жеу



Жайлаған бір көшеде отыз бөрі,
Он жігіт сол бөрінің қызметкері.
Сайраған ортасында жалғыз қызы,
Бүркейді оның бәрін екі тері.

Отыз тіс, тіл, он саусақ, екі ерін



Он атты, он жаяу, қырық найзалы,
Қыздың сөзі пайдалы.
Асыққаның аяңдай тұр,
Асықпасаң бір-біріңе таялмай тұр.

Аяқтың, қолдың саусақтары, қабырғалар және тіл



Айдын көлде асыл тас,
Ау салса да алынбас.

Тіс



Жиырма баласы бар төртеуара,
Бірі ұзын, бірі қысқа дара-дара.
Қандайлық іске қоссаң ерінбейді,
Білімпаз мамандығы болған сара.

Аяқ-қол, саусақтар



Бір тауды мекен еткен отыз бөрі,
Он кісі, отызының жұмыскері.
Сол таудың ортасында бағлан қозы,
Масайрап секіреді әрі-бері.

Тіс, саусақ, тіл



Жаламада жалғыз тұяқ.

Кіндік



Аппас жұмбақ,
Адам басын таппас жұмбақ,
Қыз тілесе, бермес жұмбақ,
Қызыл алтынға батпас жұмбақ.

Адамның тәрбиесі



Табаққа түспес,
Қазанға піспес,
Оны ішпей адам өспес.

Ана сүті



Сақыр-сақыр сақасы,
Ішіндегі бақасы.
Екі торсық азығы,
Діңкілдейді қазығы.

Бесіктегі бала



Өлмесең де өлмейдi,
Өлсең де өлмейдi.

Адамның есімі



Жаралғанда жабысқан.

Адамның есімі



Ел ішінен келді, аты жоқ,
Ел оған ат берді жаны жоқ.
Соғымына екі қой берді,
Еті бар, сүйегі жоқ.

Жаңа туған бала



Отты өшіреді,
Шөпті өсіреді.

Су



Мың-миллион пернелі
Домбыраны көрген кім?

Темір жол



Сексен сегіз тілі бар,
Сан құбылған үні бар.

Фортепиано



Қысты күні қаптап,
Қонып жатыр бақбақ.

Жапалақ қар



Құрт іліп, суға малып алдым,
Тереңнен балық алдым.

Қармақ



Көк тіреген діңгек тұр,
Бар әлемнен сыр кеп тұр.

Телемұнара



Тыста – арқаңдамын,
Сыныпта – партаңдамын.

Портфель