Анекдот, әзілдер, қазақша анекдоттар

- Жаным, мен айфон алғым келіп жүр.
- Күнім, менің алып бергенімді қалайсың ба?
- Шын ба, иә, әрине.
- Онда қазір қолым бос емес, 30 ақпан күні алып берейін, ок?
- Уау, рахмет, сені қатты жақсы көремін ғой.

Ілмектер: айфон, ақымақ

- Мына жастарды түсіну қиын болып кетті, қарашы мыналарға. Анау тұрған қыз еркекке ұқсайды ғой?
- Иә, ұқсайды. Өйткені ол қыз емес, менің ұлым.
- Ой, кешірерсіз. Әкесі екеніңізді білмей қалыппын!
- Тағы қателестіңіз. Мен әкесі емеспін, шешесімін...

Ілмектер: Жастар

Директор лауазымына отырған әдепсіз бір кісі жүргізушісінен сұрайды:
– Айтшы шопыр бала! Есекпен шофердың арасында қандай айырмашылық бар?
Жүргізушісі біраз ойланып ұялған сыңай танытып:
– Білмедім басеке-дейді. Сонда бастығы былай дейді:
– Есекке “ышша” десең тоқтайды, ал шопырға “тоқта” десең тоқтайды.
Жүргізуші бұған қатты ашуланады, бірақ бастығы болғандықтан ешнәрсе айта алмайды. Біраз уақыттан кейін жүргізуші директордан сұрайды:
– Бір сұрақ сұрасам бола ма басеке?
– Иә сұрай бер.
– Есекпен бастықтың арасында не айырмашылық бар?
– Таппадым, сен айтшы жауабын!
– Ант етейін басеке мен де таппадым...))

Ілмектер: тапқырлық

Қожанасыр бір мейрамхананың алдына тауарларын жайып қойып сауда жасап жатқанында, мейрамхананың иесі Қожанасырға:
- Қожеке, әр күні мейрамхананың алдында тамақтардың иісінен пайдаланасыз, мұның ақшасын төлеуіңіз керек!- дейді.
- Тамақтың иісіне де ақша төлене ме?
- Иә, менің тек қана палау мен мантыларыма ғана емес, олардың иістеріне де ақша төлейсіз, әйтпесе қазыға барып сөйлесеміз.
Екеуі бірге қазыға барады. Қазы:
- Ал Қожеке, бұған не айтасыз?-дейді.
- Дұрыс, депті Қожа. Тамақтардың иісінен аузымның суы құритыны рас, бірақ әр күні санаған ақшамның дауысын естіген бұл кісінің ойына ақша келетіні де рас. Ендеше тамақтың иісіне ақшаның дауысымен төлеп, бұл есепті жабайық...

Ілмектер: Қожанасыр, ақша

Әйелі күйеуіне келіп:
- Менің машинамның карбюраторына су кіріп кетті.
- Карбюраторда қайдағы су?
- Мен айтып тұрмын ғой су.
- Сен карбюратордың не екенін білмейсін ғой!!! Көрсет, қане сенің машинаң?
- Бассейнде!!!!!!!!

Ілмектер: карбюратор, Әйел

Сот:
-Сен осы өміріңде өз еңбегіңмен тым құрыса бір жүз теңге тауып көрдің бе?
Айыпталушы:
-Көрдім. Былтырғы сайлауда сізге дауыс бергенімізде сізден бәріміз бес жүз теңгеден алдық қой?!.

Ілмектер: Сот, пара

Екі жігіт кездеседі.
- Бүгін үйге келіп, шкафты ашсам, ішінде жалаңаш адам отыр!
- Таң қалатын несі бар...
- Қалай несі бар??? Мен бойдақпын ғой!

Ілмектер: бойдақ

Кішкентай маса шешесінен сұрапты:
-Апа, мен ұшсам бола ма?
-Ажалыңа асықпай, отыр үйде!
-Неге, адамдарға менің ұшқаным қатты ұнайды ғой.
-Оны кім айтты?
-Кеше түнде олардың бәрі маған шапалақ ұрды.

Ілмектер: маса

Мұғалім оқушыға:
- Сен үшін үй тапсырмасын неге әкең орындайды?
- Шешемнің қолы тимейді.

Ілмектер: оқушы, тапсырма

Үйіне жүгіріп кірген бала анасына:
- Анашым 100 теңге бересіз бе?-дейді.
- Оны қайтесің балам?
- Бір кәрі апаға берейін деп едім.
- Өй жарайсың балам! Дұрыс, қайырымды болу керек! Ол кісі қай жерде?
- Мына көшенің бұрышында, балмұздақ сатып отыр.

Ілмектер: бала

Филология факультетінің үшінші курсында оқитын спорт шебері емтихан тапсырып отырса керек.
- Айналайын, ең болмаса қарапайым сұраққа жауап берші! Лев Толстой деген классикті білесің бе?
- Ағай-ау, мен классикамен емес, еркін күреспен айналысамын ғой...

Ілмектер: Филология, емтихан

- Иттің инфаркт алуы мүмкін бе?
- Егерде оған адамға жасаған жағдайды жасасаң, әбден мүмкін.

Ілмектер: инфаркт, жағдай

Тыйым салынған жерден бұрылыс жасамақ болған әйел жүргізуші бір ер кісінің көлігін соғады. Бақыттарына орай быт-шыты шыққан көліктерден екеуі де аман сау шығады. Еңбектеп, әрең дегенде сыртқа шығып әбіржіген түрде екеуі бір-біріне қарап күліп жібереді. Ашу мен өкініш те көрініс тапқан күлкіні әйел бірінші үзіп:
- Көліктеріміз быт-шыт болғанымен, екеумізге де ештеңе болмапты. Міне қызық! Сіз еркек мен әйел, меніңше бұл екеуміздің танысуымыз үшін белгі болса керек! Өміріміздің соңына дейін дос болып қалуымыз керек,- дейді. Ер кісі:
- Сөзіңіздің жаны бар!- дейді. Әйел:
- Қараңыз көлігім астан кестені шығып, аударылғанымен ішінде мен және мына шөлмектегі шарап аман қалыппыз! Айтсаң ешкім сенбес! Меніңше біз дәл қазір осы шөлмекті бөлісіп, аман қалғанымыз бен таныстығымызды жууымыз керек,- деп бөтелкені ер кісіге ұсынады. Апат салдарының абыржуы кете қоймаған кісі шөлмекті жартысына дейін ішіп, қалғанын әйелге ұсынады. Қолындағы тығынмен бетін жапқан әйел, шөлмекті өзіне қайтарады. Таң қалған ер кісі:
- Сен не ішпеймісің?- деп сұрайды. Сондағы әйелдің айтқан жауабы:
-Жоқ! Мен МАИ қызметкерінің келуін күтемін! ))

Ілмектер: Жол, апат

Бір жігіт пен қыз қыдырып жүрсе керек. Бір кезде қыз:
- Мен тоңып қалдым, -депті. Жігіт костюмін шешіп береді.
Біраздан соң қыз:
- Тағы да тоңып барамын,-дейді. Жігіт дереу көйлегін шешіп береді. Тағы біраздан соң қыз:
- Білесің бе, бала кезімде өстіп тоңып қалсам, әкем құшағына алып жылытатын еді, -депті. Сонда жігіт:
- Енді түн жарымында мен саған әкеңді қайдан табамын, -деген екен.

Ілмектер: қыз, жігіт

Қоян ақша жинап мотоцикл алыпты. Мотоцикліне мініп алып көшеде келе жатса, аю тоқтатып қасына отырып алыпты. Бір уақытта қоян аюға:
- Аю көзіңді жұм, қазір анау камаздың астынан өтіп кетеміз, - депті. Аю көзін жұмады, қоян камазды айналып өтіп кетеді. Аю таңқалып, ертесіне мотоцикл сатып алып, бала-шағасын мінгізіп алып:
- Қане, балаларым, көздеріңді жұмыңдар, қазір анау келе жатқан камаздың астынан өтіп кетеміз, - депті. Біраздан соң қараса мотоциклі бір жақта, алты баласы алты жақта, әйелі бір жақта быт-шыт болып жатыр екен. Аю жыны келіп, қайсысың көзіңді ашқан! - депті

Ілмектер: аю, қоян

Бір күні жындыханада бір жынды өлем деп талға арқан байлап беліне байлаган екен. Сонда бір дәрігер келіп:
- Не істеп тұрсың? - депті. Әлгі жынды:
- Өлгім келед. - Дәрігер:
- Өлгің келсе арқанды белге емес мойныңа байласай. - Жынды:
- Байлап көрдім, ауа жетпей кетті. депті

Ілмектер: жындыхана, әзіл

Күнi бойы iшкен еркек түнде шөлдеп оянып, жанында жаткан әйелiне:
- Қатын, су әкелшi, ауызым кеуiп бара жатыр!
- У керек емес пе, атауыңды iшкiр? Мен бе екен ауызың арақ құйған? Жат ендi жыбырламай, ұйқы бермедiң ғой адамға!
Бiраздан кейiн күйеуi:
- Құлың болайын, алып келе қойшы, өлiп барам...
- Мен саған жат дедiм ғой, ендi қақылдай беретiн болсаң, оқтау алып келiп басыңды жарам!
- Оқтауға барып жатсаң, келерiңде су ала келшi депті ғой

Ілмектер: жұбайлар

Жаттығудан шыққан жігіт, қызымен көшеде серуендеп келе жатады. Ал олардың жанына Мерседес автокөлігі келіп тоқтайды. Сол сәтте қыз:
"Кешір жаным. Мен мына көліктегі жігітпен кетемін. Себебі ол - бай жігіт. Ал сен жай ғана спортшысың. Сау бол" - деп көлікке мінеді. Сонда көліктегі жігіт қызға былай дейді: "Кешірерсіз ханым. Мен бұл жерге сіз үшін тоқтаған жоқпын. Мен сіздің қасыңыздағы жігіттің "Көлік жүргізушісі" едім. Сол жігіт мінгесін мінерсіз, ал енді түсіңіз" деп түсіріп тастайды...

Ілмектер: Тәрбие, қыздар, байлық

- Кеше тойға барған едік. Той той болмады. Тым-тырыс өтті.
- Неге?
- Тойханада тегін Wi-Fi бар екен))

Ілмектер: той, уайфай

Бір күні құмырсқалар соғысқа кетіпті. Содан олар базаны охранять етуге яғни илеуді қорғауға бір құмырсқаны тастап кетіпті.Құмырсқалар соғыстан келсе әлгі охраник жылап отыр екен. Бәрі не болды десе база бұзылды, аю мыжып кетті депті.Құмырсқалар ызаланып: кегіңді қайтардың ба десе, әлгі охраник: "ия, аюдың апанының дәл алдына барып тышып кеттім" депті))

Ілмектер: құмырсқа, аю

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)