Мақал-мәтелдер

Боларында болып өт,
Боз жорға аттай желіп өт.
Болмасыңды білген соң,
Болған ердің қосын жек.

Ілмектер: ер, болу, жорға

---

---

Болар-болмасқа иланба.

Ілмектер: сену

---

---

Болар істің біткені жақсы.

Ілмектер: іс, жақсы

---

---

Болар бала боғынан.

Ілмектер: бала

---

---

Болар адам он бесінде бас болар,
Болмас адам қырыққа кірсе де, жас болар.

Ілмектер: адам, жастық, қырық, он бес, бас

---

---

Бол ұстамды, қатты келсе қаһарың,
Сабыр етсең, келер шаттық баһарың.

Ілмектер: ұстамдылық, қатты, қаһар, сабыр, шаттық, баһар

---

---

Боқ жаман,
Бәрінен де жоқ жаман.

Ілмектер: боқ, жаман, жоқтық

---

---

Боқ жағылған нетеді, жуса кетеді,
Ат таңылған нетеді, сүйегімен кетеді.

Ілмектер: сүйек, ат, боқ, жуу

---

---

Бойың қисық болса да,
Ақылың түзу болсын.

Ілмектер: бой, қисық, ақыл, түзу

---

---

Бойра тоқыған зергер болмас.

Ілмектер: зергер, тоқу

---

---

Бойдақтың ақылы — екі көз.

Ілмектер: бойдақ, ақыл, екі, көз

---

---

Бойдақ жігітке елу құлаш бөзден де ыстан шықпайды.

Ілмектер: бойдақ, жігіт, бөз

---

---

Бозбаланың бастаған елі оңбайды,
Құралай бастаған киік оңбайды.

Ілмектер: бозбала, ел, құралай, киік, оңбау

---

---

Боғынан бұзылды ғой.

Ілмектер: бұзылу, боқ

---

---

Биіктеп кетсең, құлау бар,
Қуанып кетсең, жылау бар,
У ішсең, тәтті ұнау бар.

Ілмектер: құлау, биік, қуану, жылау, у, тәтті

---

---

Билік, байлық, даналық бір өзіңе байланысты.

Ілмектер: Билік, байлық, даналық

---

---

Билеуші көркі — саясат.

Ілмектер: билік, саясат

---

---

Бие мінсең, құлын жоқ,
Саумал ішсең, қымыз жоқ.

Ілмектер: бие, құлын, саумал, қымыз, төрт түлік мал

---

---

Бие бауға, түйе тауға.

Ілмектер: төрт түлік мал, төрт түлік, мал, бие, тау, түйе, бау

---

---

Бидің айтқан сөзінің бәрі кеңес,
Кісі ақылы кісіге ақыл емес.
Түнде ұры халықтың малын жесе,
Ертең жиын-тойға тіпті кірмес.

Ілмектер: кеңес, сөз, ақыл, ұры, халық, той, ертең, би

---

---