Мақал-мәтелдер

Асым қалса қалсын,
Ісім қалмасын.

Ілмектер: ас, тамақ, іс

Отан - елдің анасы
Ер - елдің анасы

Отан қадіріне жетпеген,
өз қадіріне жетпейді.

Отан үшін күрес,
Ерге тиген үлес.

Отан – оттан да ыстық

Отан қуат - отбасы шуақ

Отан отбасынан басталады.

Отанды сүю – отбасынан басталады.

Орағың өткір болса,қарың талмайды,
Отаның берік болса жауың алмайды.

Отансыз адам - ормансыз бұлбұл

Алтын ұяң – отан қымбат.

Ер - елінде,
Гүл жерінде.

Ел іші – алтын бесік

Ауылым - алтын бесігім

Өз елің – алтын бесігің,
Еңбекпен бағыт егіз.

Өзге елінде сұлтан болғанша,
Өз еліңде ұлтан бол.

Ел мен жер егіз.

Туған жердей ел болмас,
Туған елдей ел болмас.

Бірлігі жоқ ел тозады,
Бірлігі күшті ел озады.

Жат жердің қаршығасынан ,
Өз еліңнің қарғасы артық.

Егілмеген жер жетім,
Елінен айрылған ер жетім.

Ұлтарақтай болсада,
Ата қонысы жер қымбат.
Ат төбеліндей болсада,
Туып өскен ел қымбат.

Ел – елдің бәрі жақсы,
Өз елің бәрінен жақсы.

Бұлбұл гүлзарын сүйеді,
Адал адам отанын сүйеді.

Ит тойған жеріне,
Ер туған жеріне.

Туған жер - тұғырың,
Туған ел - қыдырың.

Туған жердің жуасы да тәтті.

Ілмектер: Отан, туған жер туралы мақал–мәтелдер жинағы

Беріп жаман атанғанша,
Бермей сараң атан.

Ілмектер: жаман, сараңдық, сараң

Ер аштан өлмейді,
Намыстан өледі.

Ілмектер: ер, аштық, намыс

Әкеден ұл туса – игі,
Әкенің жолын қуса – игі.

Ілмектер: әке, бала, игілік

Білімді әр пәледен құтылар.
Білімсіз мың пәлеге тұтылар.

Ілмектер: білім, пәле

Адамнан ақыл қашып құтыла алмайды.

Ілмектер: адам, ақыл

Жаманның жаны ардақты.

Ілмектер: жаман, жан

Ұлдың жаманы – ұйғақ,
Қыздың жаманы – қаңбақ.

Ілмектер: қыз, ұл, жаман

Басқа түссе, байтал да жорға болар.

Ілмектер: жорға, байтал

Кісінің көркі - жүз,
Жүздің көркі - көз,
Ойдың көркі - тіл,
Тілдің көркі - сөз.

Ілмектер: тіл, сөз, көрік, ой

Ескіні тіксең, есің кетеді.

Ілмектер: ескі, қырғыз мақалы

Жаман тайдан тайынша жақсы.

Ілмектер: жаман, жақсы, төрт түлік мал, қырғыз мақалы

Аузымен орақ орады,
Артымен масақ тереді.

Ілмектер: ауыз, қырғыз мақалы

Ауыл иттің құйрығы қайқы.

Ілмектер: ауыл, ит, қырғыз мақалы

Ала жылқы жоғалмас,
Арамза жан оңалмас.

Ілмектер: арам, арамдық, адам, жылқы, төрт түлік мал, қырғыз мақалы

Епсіз мерген құрды атады,
Қарайған қырды атады.

Ілмектер: ептілік, мерген, қырғыз мақалы

Батар күннің де атар таңы бар.

Ілмектер: күн, таң, қырғыз мақалы

Жаман ит жармаға жармасар.

Ілмектер: жаман, ит, қырғыз мақалы

Әркімде бар бір қиял,
Ал қиялды кім тияр.

Ілмектер: қиял, қырғыз мақалы

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)