Өлең-жыр байқауы

Ұлағатты сөздер

Әрбір шешен-дана емес,
Әрбір шеше-ана емес.

Ілмектер: нақыл Бағлан Ерғали

Ұлы істерді ойласпайды, бастайды.

Ілмектер: іс, ойлау, нақыл, афоризм, қанатты сөздер Бальтасар Грасиан

Жүк тиесең — кетерсің, ниет етсең — жетерсің.

Ілмектер: жүк, ниет, нақыл, афоризм Шалкиіз Тіленшіұлы

Су шықпас қазғанменен тау басынан,
Қазақтың дау кетпейді сау басынан.
Жолдасы сыр айтысқан жау боп шықса,
Ер жігіт жаңылады тәубасынан.

Ілмектер: су, тау, нақыл, афоризм, қанатты сөздер, қазақ, дау, жолдас, сыр, тәуба Ақан Сері Қорамсаұлы‎

Теңеу: боз үстінде от жағып, бұзбай бұлан пісірген мен иемнің бөрлі ала тасы едім, жау көрген күн — жүрегінің басы едім, көз үстінде қасы едім.

Ілмектер: теңеу, нақыл, афоризм, қанатты сөздер Шалкиіз Тіленшіұлы

Үй артында төбешік
Ерттеулі тұрған ат болар.
Қариясы кімнің бар болса
Жазулы тұрған xат болар.

Ілмектер: үй, қарт, қария, нақыл, афоризм, қанатты сөздер Бұқар жырау

Тіл өткір қылыш секілді, абайлап сөлемесең өзіңді кесіп кетуі ғажап емес

Ілмектер: Ұлағатты сөздер Ағзам Суфи Лұқпан

Ақ сұңқар құстың баласы — ұяда алтау болмас па,
Ұяда алтау болғанмен, оның ішінде біреуі — ең алғыры болмас па.

Ілмектер: алғырлық, ұя, қабілет, ұяда алтау Бұқар жырау

Қайырсыз итке мал бітсе — аңқаң құрып келгенде саумал бермес ішерге.

Ілмектер: қайырсыз, мал, мүлік, мінез-құлық, адамгершілік Бұқар жырау

Абыройлы адам кімнің қасында тұрса да өзінің кім екенін естен шығармайды.

Ілмектер: абырой, адам Бальтасар Грасиан

Өз тағдырына риза болмағандар басқаның бақытын қызғанады.

Ілмектер: көре алмаушылық, іштарлық, қызғаныш, тағдыр, бақыт Бальтасар Грасиан

Кімде-кім бір нәрсенің пайдалы немесе зиян екенін білмесе, өзінің надандығын көрсетеді.

Ілмектер: надан, надандық, зиян, пайдалы Ибн Нужайм

Сенімен араздасқан адамға барып татулас! Зұлымдық еткен адамды кешір! Жамандық жасаған адамға жақсылық жаса!

Ілмектер: Жақсылық, мінез, Қоғам Хадис шәриф

Ыстық су мұзды қалай ерітсе, жақсы мінез де қателерді солай ерітеді. Сірке суы балды ірітіп жібергені сияқты, жаман мінез де жақсылықтарды жояды.

Ілмектер: Жақсы мінез, мінез, жаман мінез Хадис шәриф

Ей адам! Бұл күндер міндетті түрде өтеді, тіпті басым бөлігі өтіп кетті. Онда еш болмаса қалған өміріңнің қадірін біл.

Ілмектер: Өмір, уақыт, өміріңнің қадірі, күндер Суфйан Сәури

Кек алудың ең тиімді тәсілі — ұмыту.

Ілмектер: кек алу, ұмыту, кек Бальтасар Грасиан

Алыспаған, жұлыспаған бостандық атына мінбейді, бұғаудан босамайды, ер құлдықтан, әйел күңдіктен шықпайды, малына да, басына да ие болмайды!

Ілмектер: Әлихан Бөкейхан, Қыр баласы, бостандық, құлдық, күңдік Әлихан Бөкейханов

Итке сүйек тастағаның қайырымдылық емес. Өзің де аш отырып итпен сүйек бөліскенің қайырымдылық.

Ілмектер: қайырымдылық, бөлісу Джек Лондон

Өзге ұлттың орыстанған өкілдері шовинистікке келгенде орыстардың өзінен асып түседі.

Ілмектер: шовинизм, ұлт Владимир Ленин

Біз жиылсақ — көппіз, жайылсақ — жоқпыз.

Ілмектер: көппіз, жоқпыз, бірлік, бірігу Ғабит Мүсірепов

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)