Жақсы жүрген жерін
Мақтап жүреді,
Жаман жүрген жерін
Даттап жүреді.

Ілмектер: жақсы, жаман, мінез-құлық

---

---

Айыратын жаман бар,
Қосатын жараң бар,
Барын ішпейтін сараң бар,
Жасырып ішетін арам бар.

Ілмектер: жаман, сараң, мінез-құлық

---

---

Жақсының сөзі кепіл,
Жаманның өзі кепіл.

Ілмектер: сөз, жақсы, жаман, мінез-құлық

---

---

Жаман етіңе келеді,
Жақсы ниетіңе келеді.

Ілмектер: жақсы, жаман, мінез-құлық

---

---

Жаманның қолында болғанша,
Жақсының жолында бол.

Ілмектер: жақсы, жаман, мінез-құлық

---

---

Жақсыдан жаман туса,
Емі табылмас.
Жаманнан жақсы туса,
Теңі табылмас.

Ілмектер: жақсы, жаман, мінез-құлық

---

---

Жақсы жігіт сапардан:
Елін аңсап қайтады,
Алдына мал сап қайтады.
Жаман жігіт сапардан:
Пістесін шағып қайтады,
Қалтасын қағып қайтады.

Ілмектер: жақсы, жаман, жігіт

---

---

Жақсы әйел
Жаман еркекті би етеді.
Жаман әйел
Жақсы еркекті құл етеді.

Ілмектер: жақсы, жаман, әйел

---

---

Жақсының соңынан көп ереді,
Жаманның соңынан шөп ереді.

Ілмектер: жақсы, жаман

---

---

Жақсының жақсылығын айт,
Мейірі тассын,
Жаманның жамандығын айт,
Құты қашсын.

Ілмектер: жақсы, жаман, құт

---

---

Жақсы көпке зейнет,
Жаман көпке бейнет.

Ілмектер: зейнет, бейнет, жақсы, жаман

---

---

Жақсы бала — жансақ,
Жаман бала — малсақ.

Ілмектер: бала, жақсы, жаман

---

---

Жаман өле жейді,
Жақсы бөле жейді.

Ілмектер: жаман, жақсы

---

---

Жаманға жүзің салма,
Малды екен деп.
Жақсыдан күдер үзбе,
Жарлы екен деп.

Ілмектер: жақсы, жаман

---

---

Жақсы адам жолына
Жол азық қалдырады.
Жаман адам жолыңа
Ор қазып қалдырады.

Ілмектер: жақсы, жаман, адам

---

---

Жаман адам кетсе,
Дүние кеңіп қалғандай болады.
Жақсы адам кетсе,
Дүние кеміп қалғандай болады.

Ілмектер: жаман, жақсы, адам

---

---

Жақсы жігіт
Ағайынның басын қосады.
Жаман жігіт
Жақсы ағаның жолын тосады.

Ілмектер: жақсы, жаман, жігіт

---

---

Жақсыға барсаң —
Жазылып қайтарсың.
Жаманға барсаң —
Жабығып қайтарсың.

Ілмектер: жақсы, жаман

---

---

Жақсыны айтып,
Жаманды таяп қой.

Ілмектер: жақсы, жаман

---

---

Жақсының сағы сынғанша,
Жаманның жағы сынсын.

Ілмектер: жақсы, жаман

---

---