Ілмек бойынша іздеу


Мақалалар (15) Өлеңдер (17) Жоспарлар (5) Мақал-мәтелдер (446) Ұлағатты сөздер (73) Әзіл, анекдоттар (1)

Елде жоқ рух – ақын сөзіне қайдан келсін?!

Ілмектер: дәйексөз, ел, Рух Ахмет Байтұрсынұлы

Ел силарлық бағаң болмаса, елге аға болдым деме.

Ілмектер: ел, аға, баға Әзілхан Нұршайықов

Қазақтың жүрегі тоқтамасын, өнердің жүрегі тоқтамасын деп отырғаным сол. Өнерін өлтіріп алған қазақ ел болып оңбайды, елінен айнып қалған жүрек – жүрек боп соғып жарытпайды. Екеуі бөлінбес бір бүтін, тұтас дүние деп есептеймін. Ендеше, жүрегіміз тоқтамасын.

Ілмектер: ел, жүрек, Қазақ, өнер Әшірбек Төребайұлы

Бақ болмайды басқа бақ - есің барда елің тап.

Ілмектер: Бақ, ел, ес Білге қаған

Ел болып бірігуден асқан бақыт жоқ.

Ілмектер: ел, бірігу, бақыт Білге қаған

Егер ел басшысы тоңмойын һәм сатқын болмаса - елдің бағы.

Ілмектер: ел, басшы, сатқын, бақ Білге қаған

Шешен кісі сөз бастар,
Адал кісі – ел бастар.

Ілмектер: ел, сөз, адалдық, шешен Жамбыл Жабаев

Ел үшін аянба – ерлігіңе сын,
Жұрт үшін аянба – жігіттігіңе сын.

Ілмектер: ел, жұрт, ерлік, жігіттік Бауыржан Момышұлы

Әдебиеттің зор міндетінің бірі - елдің мінезін түзеу.

Ілмектер: әдебиет, міндет, ел, мінез Мұхтар Әуезов

Адал болса – досың жақын,
Еркелейтін немерең жақын,
Өз ұрпағын шөберең жақын,
Туып өскен – елің жақын.

Ілмектер: адал, дос, ел, немере Қазыбек Келдібекұлы

Панам да ел, данам да ел. Соған арқа сүйедім, содан үйрендім.

Ілмектер: ел, отан, халық дана Дінмұхамед Қонаев

Ел үшін туған ерлердің,
Алды-арты дария кең болар.

Ілмектер: ел, ер Жамбыл Жабаев

Қазақ деген ел - бостандық-азаттық сүйетін, даланы, таза ауаны, таза суды, таза көгалды сүйетін халық.

Ілмектер: ел, қазақ, бостандық, халық Ғабит Мүсірепов

Өз елінің қара тасын мақтан ете алмаған, өзге жердің алтынын да мақтап жарытпақ емес.

Ілмектер: ел, мақтаныш, жер, алтын Қаныш Сәтбаев

Елдің серті — ер серті.

Ілмектер: ел, ант, серт, ер Жамбыл Жабаев

Тәуелсiздiктiң қайта оралғаны – бiздiң ата-бабаларымыздың сан ғасырлық азаттық күресiнiң заңды өтеуi. Жаратқан иенiң жасаған әдiлдiгi. Ата-бабаларымыздың осыншама байтақ жердi ақ найзаның ұшымен, ақ бiлектiң күшiмен қорғап қалғанының арқасы. Мұндай жер болмаса, мұндай елде болмас едi.

Ілмектер: тәуелсіздік, ел, жер, ата-баба, күрес Нұрсұлтан Назарбаев

Бiз ендi ешкiмнiң қолтығының астында жүрмеймiз. Бiздiң ел ендi ешкiмге кiшi iнi болып, тiзiмге қосылмайды. Бiз еркiн ел болдық.

Ілмектер: тәуелсіздік, еркіндік, ел Нұрсұлтан Назарбаев

Тәуелсiздiктiң бiздiң бәрiмiзге артар мiндетi мол. Ендi еңселi ел болудың жолына шындап түсуiмiз керек. Әулетiмiздiң асуы да, дәулетiмiздiң тасуы да өз қолымызда. Тарих көшi ұзақ. Асықсақ та аптықпайық. Қазақстанның көп ұлтты халқының жұлдызы жоғары болатынына, туған елiмiзде дәулеттi де сәулеттi өмiр орнайтынына кәмiл сенемiн.

Ілмектер: тәуелсіздік, тарих, ел, халық, Қазақстан Нұрсұлтан Назарбаев

Тәуелсіздіктің біздің бәрімізге артар міндеті мол. Енді еңселі ел болудың жолына шыңдап түсуіміз керек. Әулетіміздің асуы да, дәулетіміздің тасуы да өз қолымызда. Кең байтақ жеріміздің байлығы осы даланың түпкілікті халқына да, тағдыр қосып бірге өмір сүріп жатқан басқа ұлт өкілдеріне де молынан жетеді. Не істесек те ақылмен істейік, арзан ұранға ермейік, ұшпа сезімге ерік бермейік дегім келеді. Әсіресе, жастар, салқынқандылықтан, үлкенді сыйлаудан, сөзге тоқтаудан айнымаса, қашан да достыққа адал болса, бауырмал, кеңпейіл болса, халықтың атына сөз келтіретін ұстамсыздық атаулыдан аулақ жүрсе деп тілейік.

Ілмектер: тәуелсіздік, жастар, ел, дәулет, достық Нұрсұлтан Назарбаев

Шынын айту керек, азаттық жолы – кедiр-бұдыр, Тәуелсiздiк соқпағы – соқтықпалы. Қиындық көп. Алынар асулар да ауыр. Ынтымағымызды ыдыратпай, бiрлiгiмiздi божыратпай жұмыла бiрiксек, ауыр жүгiмiздiң жеңiлдерi анық.
Бұл сөздерiмдi мен ең әуелi өз халқыма – қазақтарға, қала бердi күллi қазақстандықтарға арнап отырмын.
Мен елге сенемiн. Елiм де маған сенедi деп ойлаймын… Өйткенi сөзiмiз – адал, iсiмiз – ақ.

Ілмектер: тәуелсіздік, ынтымақ, ел, азаттық Нұрсұлтан Назарбаев


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)