Саулық тілеп, табыс күтсең ісіңнен,
Жарамайтын сөз шығарма ісіңнен.

Ілмектер: саулық, табыс, сөз, іс Жүсіп Баласағұни

---

---

«Мүмкін емес» - бұл французша сөз емес.

Ілмектер: сөз, француз, мүмкін емес Наполеон Бонапарт

---

---

Жақсылыққа құр сөз арқылы шақырып, ынтықтыру мүмкін емес. Адамның табиғаты сол - кез келген нәрседе үлгіні қажет етеді.

Ілмектер: жақсылық, сөз, адам Сенека

---

---

Сөз көңілге сипат жағының көркемдігімен, мағына жағының күштілігімен жағады.

Ілмектер: сөз, көңіл Ахмет Байтұрсынұлы

---

---

Қандай сәулетті сарайлар болсын, қандай сымбатты, я кескінді суреттер болсын, қандай әдемі ән-күй болсын, сөзбен сөйлеп суреттеп көрсетуге, таныстыруға болады. Бұл өзге өнердің қолынан келмейді.

Ілмектер: сөз, өнер, әдебиет, нақыл сөздер Ахмет Байтұрсынұлы

---

---

Күн жылытпайтын суық көңілді сөз ғана жылыта алады.

Ілмектер: көңіл, сөз, нақыл сөздер Ғабиден Мұстафин

---

---

Көне сөздің бәріне күмәнді қарауға болмайды. Тіл – халықтың перзенті, ол адамзаттың тарихымен тығыз байланысты. Заманның талаптарына сәйкес әр уақытта жаңа сөздер пайдаланудан шығып қалып отырады. Сонымен қатар өзінің бастапқы мағынасын өзгертіп, жаңа мағынаға ие болатын сөздер де кездеседі. Бұл – барлық тіл атаулыға тән құбылыс.

Ілмектер: сөз, тіл Мұстафа Шоқай

---

---

Теңеу – ереуіл сөз.

Ілмектер: сөз Ахмет Байтұрсынұлы

---

---

Жат сөздерді қолданғанда тіліміздің заңымен өзгертіп, тілімізге лайықтап алу керек. Жат сөзді өзгертпей, бұлжытпай алатын жер дүниеде тіл жоқ деп айтса да болады.

Ілмектер: жат сөз, сөз, тіл Халел Досмұхамедұлы

---

---

Ел бастау қиын емес,
Қонатын жерден көл табылады.
Қол бастау қиын емес,
Шабатын жерден ел табылады.
Шаршы топта сөз бастаудан қиынды көргем жоқ.

Ілмектер: сөз, ел Бұқар жырау

---

---

Ата тұрып ұл сөйлесе — ер жеткені болар,
Ана тұрып қыз сөйлесе — бой жеткені болар.

Ілмектер: ата, ана, қыз, ұл, ер жету, бойжеткен, сөз, сөйлеу Сырым Датұлы

---

---

Бұ заманда не ғаріп - ақ қалалы боз ғаріп, жақсыларға айтпаған асыл шырын сөз ғаріп.

Ілмектер: заман, сөз, ғаріп Асан қайғы

---

---

Сөз жазатын адам әрі жазушы, әрі сыншы болуы керек.

Ілмектер: сөз, сын, жазушы, сыншы Ахмет Байтұрсынұлы

---

---

Әділ сөз ащы көрінер.

Ілмектер: әділдік, сөз Жүсіп Баласағұни

---

---

Ділмарлап сөйлеу — үлкен өнер, бірақ тоқтар уақытыңды білуің қажет.

Ілмектер: сөз, сөйлеу Волфганг Амадей Моцарт

---

---

Кісімен бірге туыспау керек,
Туысқан соң артық сөз қуыспау керек.

Ілмектер: туыс, сөз, туыстық Әйтеке би

---

---

Сөздің де уы бар.

Ілмектер: сөз, у Жүсіп Баласағұни

---

---

Көркем сөз - жанның сәулесі.

Ілмектер: сөз, көркем сөз Ғабит Мүсірепов

---

---

Ойсыз сөзде көркемдік те жоқ.

Ілмектер: ой, сөз Ғабит Мүсірепов

---

---

Көркем сөзі бар болғырдың өзін орақпен орып, күрекпен күреп ала алмайсың: оны бір-бірлеп тересің, бір-бірлеп тізесің!

Ілмектер: көркем сөз, сөз Ғабит Мүсірепов

---

---